2016年7月30日政壇新秀訓練班 《第六百一十二集》 - 蔡堅《香港醫學會會長》 - 「醫生註冊（修訂）條例」醫委會改革

蔡醫生是過去大半年來最強的一位嘉賓，他對相關議題非常熟悉，也懂面對傳媒，當詞窮的時候，反過來會同意提問者的問題，令人如泥牛入海。所以，參與討論的朋友，無論主持，新秀亦應有相當的準備，否則便很容易出現‘主從客便’的奇怪情況。當然，我既支持醫委會改革，那有空手而回的道理。根據蔡醫生的表述2016年8月3日醫委會將有重要討論，大家不妨密切留意。

節目重溫：

http://programme.rthk.hk/channel/radio/programme.php?name=radio2/YoungPolitican&d=2016-07-30&p=2517&e=&m=episode

改革醫委會條例草案未能在立法會會期完結前通過，支持改革一方，尤其是病人組織指責，個別不負責任政客，背離理性辯論，讓病人權益未能受惠於改革方案。不過，反對改革人士就認為，暫時能保衛醫委會的獨立性。

醫委會近年常被質疑係「自己人查自己人」，「醫醫相衞」，處理投訴的時間，平均要成50個月。好像歌手張崇德夫婦，2005年大仔夭折，醫委會2014年先判定當時負責接生的醫生專業失德。同醫委會拉扯近9年，請律師，請婦產科專家寫報告，張崇德9年嚟使左至少100萬，佢話唔使個個有咁的錢，要傾家蕩產先至搵到真相，好荒謬。

種種問題，揭開醫委會改革的序幕。政府今年二月終於提出改革醫委會，將現有的28個委員增加到32個，將特首委任同業內選舉產生的委員數目，分別由14人加到16人。聽落多左人，咁點解又有咁多人反對呢？

因為新加的4個委員全部係非業界代表。雖然表面上政府委任跟業界代表，比例維持1比1，但業界新增的兩個代表，只是將舊制的兩個醫專代表由政府委任轉到去業界代表，唔係由醫學界直選選出，只係由小圈子選舉選出。

反對聲音主要嚟自醫學界。醫學界幾乎一致支持增加醫委會業外委員，但都擔心政府方案無同時增加直選醫生委員數目，背後目的係要操控醫委會，影響專業自主。有醫生組織就更怕，醫委會改革只係起點。佢地質疑，政府真正想做的，係降低來港執業試的標準，為香港引入更多大陸醫生。

好多人都同意醫委會需要改革，但點改先至可以喺專業自主的同時，照顧到病人權益，令下一個張崇德唔會出現呢？

今集政壇新秀訓練班，就請嚟新任醫學會會長蔡堅，同我地一齊傾下。