2016年7月23日政壇新秀訓練班 《第六百一十一集》 - 呂綺珊《香港社區組織協會幹事》、顏烈洲《荃灣二陂坊劏房權益關注組幹事》 - 香港劏房問題

2013至2014年我曾經協助一所社福機構，在觀塘進行了一個貧窮家庭調查，851個樣本中，有不少是劏房家庭，至此之後，我便對這個問題非常關注，並認為有時要解決問題，我們有可能要 Think out the box。

節目重溫：
http://programme.rthk.hk/channel/radio/programme.php?name=radio2/YoungPolitican&d=2016-07-23&p=2517&e=&m=episode

過去幾年,有至少5單火警係劏房發生。上個月工廈迷你倉大火之後,傳媒踢爆 好多工廈有改裝成住宅或劏房。以發生三級火的深水埗的昌發工廠大廈為例, 佢地冇消防灑水系統,有過半樓層有迷你倉,8樓同9樓部分單位都被嚟做住宅 。

到底有幾多人住喺劏房呢?統計處上年發表的調查顯示,全港一共有86,400間 劏房,有大約20萬住,大部份是低學歷人士。但係真實情況可能更嚴峻,因 為統計處的調查,冇計到25年以下私人住宅或商住兩用單位、工廠大廈、寮屋 、村屋等等。

有立法會議員話,舊式工廈係「計時炸彈」,叫政府盡快增加人手,檢查全港工廈。但係要入私人單位檢查,首先要有要證明單位被用作非法用途,先可以攞到搜查令入去。有人就建議簡化搜查程序,只要有達一定級數的官員到場視察,在合理懷疑下便可比人員入去調查。

但有關注基層住屋聯席就批評,政府只係「頭痛醫頭、腳痛醫腳」,政府取締前冇安置政策,只係轉移視綫,將矛頭指向最弱勢的市民,最終受害的,係單位真正用家及租戶。

政府係工廈迷你倉同劏房大火之後,就話會嚴厲執法,同工廈改建劏房刑事化。但係香港地少人多,想平平地咁,搵個住的地方一啲都唔容易,取締完劏房劏房的住戶可以去邊訓?唔取締劏房的話,安全問題又係一大隱憂,政府又可以做啲咩?

今集政壇新秀訓練班,就請嚟香港社區組織協會幹事呂綺珊 同埋荃灣二陂坊 劏房權益關注組幹事顏烈洲,同我地一齊傾下。