好彩有買，香港應該幾難搵，果然係一樽非常出色嘅「佐餐酒」，特別係對粵菜嚟講。
2026年3月22日星期日
2025年10月8日星期三
2025年10月7日 - 觀塘駿業街熟食市場《海悠》
中秋翌日公眾假期，觀塘顯得冷冷清清嘅！但咁仲好，等我地可以好悠閑咁試下《海悠》，佢個‘秘製蟹黃醬海鮮炒飯’一直都好出名，試過就知，真係值得佢咁出名。最估唔到晏就都有$68半邊‘蒜蓉粉絲蒸龍蝦’，大大隻，夠新鮮，真係要搵次去食晚飯先得！
2025年10月3日星期五
2025年10月2日 - 銅鑼灣利舞台《三希樓》片皮鵝二食
片皮鴨我食得多，片皮鵝真係第一次試，五、六斤重嘅片皮鵝油脂非常豐富，皮脆用香；鵝殼就咁斬件已經好好食！
.jpeg)
2025年9月14日星期日
2025年9月13日 - 銅鑼灣永光中心《囍筷大排檔》
接近成十年前，我有機會獲邀到坪州食海鮮，簡直一試難忘。無諗過現在銅鑼灣都有，仲好有特色。特別係客‘帶子多士’，仲有‘黃金脆鱔球’，簡直係粵菜一流下酒小食。
2025年3月9日星期日
2025年3月8日 - 象山邨《欣輝粥店》海鮮午餐 & 懷舊銀針粉
真係 #高手在民間 ，荃灣象山邨呢間‘欣輝粥店’。傳聞老闆日日零晨洗米煲粥，白粥綿滑程度，係一種久違嘅‘老茶居’味道。#炒麵 ，#銀針粉 非常乾身，呢D就係功夫！此外，佢午市嘅咸雞、豉油雞、蒸海鮮都係街坊摯愛。近 #街市 得食，老闆話全部新鮮。呢到四隻大 #蟶子 ，一條大 #泥鯭，再加 #豉油鷄 上莊。粥，炒麵，銀針粉任食；賣單$150😱😱😱 真係 #佛心 來的！
2025年3月8日星期六
2025年3月3日星期一
2025年3月2日 - 香港馬鞍山大水坑村91號地舖 《Aroy Dee Thai BBQ》
無意發現，富安花園有間泰國小店，#setlunch 碗 #泰式 #豬雜河 ；大碗得嚟，仲勁似響泰國食個 D 街邊河粉 ，D回憶真係即刻翻曬嚟！當然我上次去泰國，原來已經係 2009年12月 嘅事喇😌
2024年12月8日星期日
2024年12月8日 - 樂天七星蒸餾式燒酒"淺灘" X 灣仔鵝頸熟食中心【榮記】
細個唔識欣賞，大左當然有另一翻感受，加上韓國燒酒不斷推陳出新，好似呢款今年先上市嘅“淺灘”，入口完全唔覺有25度，微冷天氣下，淨飲好OK；溝啤酒做‘燒啤’，一如所料，極襯香口煎炸野，就算唔係韓國炸雞，香港大排檔，一樣一流！
2024年2月18日星期日
2024年2月18日 - 在柴灣【泗興食堂】的‘碧龍 （純米吟釀 ）辛口’及‘越乃輝虎（ 純米酒）’
終於可以一嘗柴灣【泗興】嘅絕活，雞皮包蝦膠香煎嘅：‘鴛鴦鳳凰皮’ 真係無得彈！半塊方包咁大，蝦膠包鮮蝦嘅嘅雙層‘蝦多士’ ，贏晒D大酒樓、大酒店！仲有大到似乒乓波嘅‘鯪魚球’ ，你以為鯪魚球好食，但超級大隻嘅‘蜆芥’ 仲好食添！
開心私人春茗，我當然要拎D日本訂回港嘅好野，賀一賀佢！‘越乃輝虎’ 係用五百萬石釀造，入口爽甜，不失為佳釀！但配上煎炸重味大排檔，反而較便宜，勝價比較高，酒精感覺較重嘅‘碧龍 （純米吟釀 ）辛口’ 好似夾D！
2023年9月25日星期一
2023年9月23日 - 當【The Woodsman Whisky】走進太子柏樹街13號地舖 《集眾菜館》
一班老友同我慶生，我當然要先跑一課，先食得開心！
月半茜草灣
呢枝英國本土嘅Woodsman，不但係獲獎之作，而且價錢平易近人，既有柔和嘅果香，又唔會太辣，極襯廣東菜！
.jpeg)
先飲白酒一樽開胃，就正式上菜。真係一山還有一山高，無左《新志記》，點知附近嘅《集眾》一樣出色，而且老闆就係總鋪師，我諗全香港夜晚最繽紛嘅地方，有可能就響呢到！
.jpeg)
炸子‘鮮’雞，先有膽色將內臟都炸埋！
.jpeg)
小炒皇有香芋脆脆，下酒一流！
.jpeg)
尤勝《新志記》，神還原嘅金玉滿堂‘咕嚕肉’
.jpeg)
薯仔有脆醬嘅牛柳粒
.jpeg)
.jpeg)
.jpeg)
一條荀殼，三種食法；仲要個魚湯勁好飲！
.jpeg)
魚湯掂，浸絲瓜好少唔掂！
.jpeg)
炒到鋼絲一樣嘅‘豉油皇炒麵’，呢個就係功夫！
一期一會，惜緣呀！
2023年9月16日星期六
2023年9月16日 - 旺角豉油街50號富達大廈1樓A號舖 《辣宴》
今年四月第二次去湖南，發覺湘辣，同川味真係有分別。難得我二十年嘅老友坐鎮油麻地【辣宴】，咁無理由唔支持下，仲大件夾好食到，要打包分兩餐。翻屋企整個‘老譚酸菜炆蘿白、津白’，仲有‘湖南脆荀臘肉飯’，都好好食！
.jpeg)
#串燒羊肉
.jpeg)
#脆荀臘肉
.jpeg)
#臭豆腐
#麻辣牛腱
.jpeg)
#乾鍋肥腸
.jpeg)
#燒羊架
.jpeg)
#老譚酸菜魚
#老譚酸菜炆蘿白、津白
#湖南脆荀臘肉飯
當然，滿場盛宴，果然係及唔上隨意嘅員工餐，亂炒，但咁大碟，而唔油。呢D就係功夫。而店家比你試佢嘅員工餐，證明佢係當你自己人。
.jpeg)
#員工炒米
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg){kind=link}
2023年8月31日星期四
2023年8月29日 - 太子運動場道1號地舖 《新志記海鮮飯店》（已結業）
「哥哥仔，仲諗呀？遲D無得食咖喇。」
我笑笑口答：「訂左位喇！影張相留念咋。」
無諗過尋晚去【新志記】係第一次，都可能係最後一次。但呢間老字號，火喉控油技術真係有50年功力。‘筍殼’本身已經好大條好厚肉、酥得嚟仲好有彈性；‘椒鹽九肚魚’炸漿好薄，外脆之餘，魚肉仍然好有水份好嫩；‘咕嚕肉’係最接近電影《金玉滿堂》所形容嘅境界。‘酸荀尖椒炒大腸’ 就係幾十年如一嘅佬味代表。勁飽都要試下個‘生炒糯米飯’，唔咸啱長者，仲食得真係生炒嘅本土老味道。
走嘅時候，兩鬢班白嘅待應們，食緊宵夜都好親切同我地講：再見。歲月不留人，店也不留！
控油功夫一流嘅‘椒鹽九肚魚’
沙薑雞腳
如果食唔到，肯定係我今年其中一件最遺憾嘅事，老味道：酸荀尖椒炒大腸
極簡單嘅功夫菜‘枸杞浸鮮豬潤’
神還原電影《金玉滿堂》嘅咕嚕肉！
‘堅’生炒臘味糯米飯
爆得一絕：薑蔥爆魚鰾
XO醬爆西芹炒象拔蚌
名不虛傳嘅‘油浸荀殼魚’
下酒一流嘅‘椒鹽鴨舌’
鮮蝦帶子炒西蘭花
‘佬味’之豉椒鵝腸
單憑掛碟，已經知新鮮嘅‘沙薑雞’
訂閱：
文章 (Atom)