2026年6月28日 - Opihr Oriental Spiced London Dry Gin

其實我係唔知咩叫古代東方味道，只係知道呢枝購自英國Gatwick Airport ，朋友話有Lime 味嘅 Gin ，真係好適合濃味嘅粵菜。 有朋友溝有氣水、有朋友溝可樂，我覺得加冰已經都好ok！

2026年6月16日 - Viña Eguía Gran Reserva 2014 @ 大圍《港興》

 以一樽可一不可再嘅好酒，去同我嘅‘豬網油蠔豉卷’、‘客家釀鯪魚’，仲有‘客家釀涼瓜’說再見！

2026年6月1日 - Luma Chequén Gran Reserva Cabernet Sauvignon 2022

當日響‘759’見到已經覺得驚為天人，CP值超高。果然不出所料，佢嘅厚實果香好適合‘港興’嘅「客家釀涼瓜」。只可惜‘港興’倒數中，雨者都係可不一可再！

2026年5月14日 - Glen Scanlan Blended Scotch Whisky

其實我有時都真係幾鍾意去‘759’，‘360’尋寶，呢枝就係例子，CP值非常高嘅蘇格蘭調和威士忌，有烤香但唔過份，親咸香嘅潮州滷水，實在係絕配！

2026年5月1日 - 土佐鶴純米酒

 淡麗辛口，果然配大排檔粵菜一流！而且佢份微酸，真係好解膩！

2026年4月24日 - 萬大釀造《伊豆地酒 あらばしり》@ 灣仔中記小廚

好耐無去過中記，味道菜色真係變左好多，不過還好嘅！反而好慶幸響伊豆有買呢枝清酒，可能佢係用宇佐美火山帶湧水釀造，辛口感清晰，好夾粵菜；仲係伊豆唯一間釀酒藏，錯過左我諗我會後悔。

2026年3月22日 - 《正雪》辛口特別純米：譽富士 @ 大角咀《有鑊氣》

 好彩有買，香港應該幾難搵，果然係一樽非常出色嘅「佐餐酒」，特別係對粵菜嚟講。

2026年2月14日 - Bundaberg Rum Master Distillers’ Collection – Small Batch Reserve

十年前嘅情人節，我好難得同一對摯友一齊過，臨離開澳洲之前，買左呢樽酒，十年都唔捨得飲。十年後嘅情人節，我地五家摯友一齊過，咁難得我當然要開左呢枝限量版啦，仲覺得比酒評中更甜。希望再一個十年之後，大家都可以一齊過情人節，但願人長久呀！

2026年1月29日 - Forty Creek Barrel Select Whisky

我都係第一次飲加拿大威士忌，原來幾甜，幾易入口。響微涼嘅天氣下，同‘古法砵仔焗魚腸’，簡直絕配。

2026年1月25日 - 《深山菊 》純米吟釀

 呢樽岐阜縣飛驒代表作，果然果香突出，又唔會over，好適合今晚嘅「黑草羊腩鯇魚煲」。

2026年1月10日 - Teacher蘇格蘭調和式威士忌

同窗、同門、同行團年；當然要用一瓶購自日本，有明顯麥芽甜味嘅日威來親靚靚手切肥牛，真心好夾！非香港貨可比。

2026年1月11日 - Dewar’s日本風雅 8年 Mizunara 橡木桶完成版

 一樽我搵左五年嘅好酒，極易入口，青出於藍勝於藍嘅好酒！

2026年1月11日 - 《千代結》純米大吟釀（限定品）

 爽，而且有非常香甜嘅蜜瓜味！淨飲傾計都好啱！

2026年1月4日 - 青森《睡魔》純米酒（限定品）

 辛口淡麗嘅風格，果然好適合大排檔熱炒！

2025年11月26日 - Miód Pitny Dwójniak Kurpiowski庫爾皮奧夫斯基雙蜜蜂蜜酒 @ 文記燒臘飯店

這瓶六年前購自波蘭機場的名釀，是為我的愛徒準備。不出所料，那份特別的天然香甜味，在微涼的天氣下，與濃味的羊腩煲出奇地配合。可惜歡欣過後，回家路上，我到到大埔宏福苑火災新聞。

2025年11月18日 - Dalwhinnie Winter's Gold Single Malt Scotch Whisky

 一瓶偏蜜甜嘅威士忌，好唔蘇格蘭；但就好適合微涼天氣下襯粵菜。

2025年10月9日 - Dance del Mar 海之寶

 一瓶好友送贈，台灣入樽嘅西班牙紅酒。無諗過出奇地幾好飲，我信 Robert Parker評分有89喇！

2025年9月27日 - 《八海山》特製本釀造【道奇藍】

 原來又係七月先上市嘅「新品」，香甜之餘，好易入口，過節一流！

2025年9月17日 - 藤岡酒造《蒼空 》純米吟釀

 遇到老友，得嚐呢枝香港未有嘅清酒，配‘涮手切靚牛’，真係一流！

2025年9月13日 - 無比較、無傷害：廈門《丹鳳》高粱 VS 金門《黑金龍》高粱

 其實丹鳳都相當唔錯，但經過普及而平等嘅在席投票，一致認為‘黑金龍’香醇好多！