學生從韓國帶翻嚟，好難得嘅一款馬格利酒。被喻為馬格利酒中嘅跑車，雖然我唔係好理解，但佢的確唔甜，但米發酵得好好，變左香得嚟，好清爽；真係好特別！
2023年4月26日星期三
2023年4月24日星期一
2023年4月23日 - 葵涌美芳街2-14號昌鴻大廈地下5號舖《豚之家豬排專門店》
出席完：「香港盲人體育總會 - 跑出光明2023」活動，當然響葵涌運動場附近搵食啦！佢對面嘅【豚之家豬排專門店】，唔止豬扒掂、鹽酥雞都好掂、酸辣湯麵都掂，最掂嘅係個拌麵，真係估佢唔到，好啱夏天食。而且一個餐、大大份，都只係五十幾蚊；唔怪得係街坊推介小店啦！
日劇：神探伽俐略：沉默的遊行
相比起《禁忌的魔術》，好多人都話《沉默的遊行》無咁好睇；的確係無咁刺激嘅！但如果一直有追《神探伽俐略》，《沉默的遊行》其實係過去咁多集一個總結。湯川教授嘅執著唔止對科學，仲有佢對朋友，對真相嘅執著。仲有一個反思，有能力去尋找真相，唔代表結局就係彰顯到公義，呢個平衡其實無論幾時都係困難嘅！
2023年4月21日星期五
2023年4月19日香港電台《 日行基本法》第二十四集 - 兩制構思在1997年後的視野【地點篇】：特區
節目重溫：https://www.youtube.com/watch?v=Y7CYuVCASkU
Youtube 頻道： https://www.youtube.com/watch?v=Y3qwAi-zya0
因節目時間有限，原稿按製作要求而作出剪裁，附上如下，與各位分享：
今時今日，我相信大部份香港市民，聽到一國兩制，都唔會感到陌生。但係響44年前，一國兩制呢個構思，可以話係前無古人，而一國兩制嘅初心到底係D乜野呢？你地可能會以為，我想講「堅持一國完則！」但我今日其實係想同大家分享點解要「尊重兩制差異」，尊重兩制差異最終，其實有D乜野作用？
自新中國成立以嚟，國家一共發表左六次「告台灣同胞書」當中最為人津津樂道嘅，係1979年，響改革開放初期，全國人大就發表告台灣同胞書。呢篇第五篇嘅告同灣同胞書，改變左由1950年2月28日，由台灣民主自治同盟所發表，提出要完成‘解放’台灣嘅任務定性。改為和平統一，主張結束兩岸軍事對峙、開放兩岸三通（通航、通郵，及擴大兩岸交流）兩岸關係從此進入一個新的時代。
根據中國外交部網站，講述【和平統一、一國兩制】時嘅描述咁嘅，1979年1月，鄧小平提出了“一國兩制”的構想，指出，“只要台灣回歸祖國，我們尊重那裏的現實和現行制度。”
1981年9月30日，全國人大常委會委員長葉劍英，正式發表關於大陸和台灣實現和平統一的九條方針政策，即係所謂嘅「葉九條」，提出“國家實現統一後，台灣可作為特別行政區，享有高度的自治權，並可保留軍隊。中央政府不干預台灣的地方事務。台灣現行社會、經濟制度不變，生活方式不變，同外國的經濟、文化關係不變。”1982年全國人民代表大會第五次會議通過的《中華人民共和國憲法》，增加了設立特別行政區的規定，為“一國兩制”的實施提供了法律依據。
可見，一國兩制嘅初心其實就係響正視兩岸分治現實，容許矛盾之下，為和平統一提供一個務實嘅方案。不過當時國家啱啱改革開放，百廢待興，兩岸又實際上分治30年。所以呢個構思，就響中英回歸談判時，引用到香港，以成立特區形式，先行先試，嚟解決香港回歸問題，同時又想對台灣作出示範作用。
其實當時呢個想法，務實得嚟，對台灣係有吸引力嘅。原因係當時香港，同台灣同為亞洲四小龍。但香港嘅經濟總值，國際影響力就遠遠超過台灣。所以，如果香港響一國兩制之下，繼續係東方之珠，台灣就無唔接受嘅理由。咁點樣可以令香港可以對台發揮示範作用，達到李克強總理所講嘅「反獨促統」目的呢？關鍵就在於「尊重兩制差異」。
四十幾年前嘅鄧小平，已經意識到內地即使實行改革開放，走自己口嘅路，都係一條同西方國家發展完全唔同嘅路。但中國改革開放嘅大門，需要打開。咁中國就需要建立同西方國家，可以溝通嘅共同語言。香港呢個東西文化交匯嘅國際金融中心正正就可以扮演好呢個角色。
如果大家有留意，習近平主席嘅七一講話，提及「必須保持香港的獨特地位和優」勢，更罕有話要「保持普通法制度，拓展暢通便捷的國際聯繫。」因為普通法唔單止係一種制度，由普通法體現嘅法治精神，對人權與私有產權嘅保障，正正係一種聯通世界，包括台灣在內嘅共同語言。
我地經常聽到：「人心回歸」響香港都仍須努力，更何況係隔左個海嘅台灣呢？所以香港響「尊重兩制差異」之上，應該係要做到「彰顯兩制優勢」。如果香港保持唔到獨特地位和優勢，特別係響基本法保障嘅人權、自由、法治之上，咁就可能西方國家譏笑係：「等同內地一個城市」，咁唔單止失去左為國家聯通國際嘅作用，對台灣亦起唔到示範作用。
2019年一月，習近平主席響《告臺灣同胞書》發表40周年紀念，提出「一國兩制台灣方案」。我相信呢個方案唔單止需要兩岸人民，由下而上嘅集體智慧之外。同時，都有香港嘅重要角色。我地一定唔可以《完》
2023年4月17日星期一
2023年4月18日 希望之聲（Nina面對面（160） ）【獨家】一張圖片背後隱藏巨大信息量 蔡英文裝束暗藏政治信號 雙英「向左走 向右走」決定2024總統競選輸贏 禁飛「27分鐘變6個鐘」製造莫大笑話
嘉賓：兩岸時事評論員葉振東博士
主持：王文君
直接連結：https://www.youtube.com/watch?v=Px1cmgIAXTY
#台灣
#訪美
#總統大選
#貿易壁壘
#禁飛
#軍演
#葉振東
訂閱：
文章 (Atom)