2024年2月18日 - 在柴灣【泗興食堂】的‘碧龍 （純米吟釀 ）辛口’及‘越乃輝虎（ 純米酒）’

終於可以一嘗柴灣【泗興】嘅絕活，雞皮包蝦膠香煎嘅：‘鴛鴦鳳凰皮’ 真係無得彈！半塊方包咁大，蝦膠包鮮蝦嘅嘅雙層‘蝦多士’ ，贏晒D大酒樓、大酒店！仲有大到似乒乓波嘅‘鯪魚球’ ，你以為鯪魚球好食，但超級大隻嘅‘蜆芥’ 仲好食添！

開心私人春茗，我當然要拎D日本訂回港嘅好野，賀一賀佢！‘越乃輝虎’ 係用五百萬石釀造，入口爽甜，不失為佳釀！但配上煎炸重味大排檔，反而較便宜，勝價比較高，酒精感覺較重嘅‘碧龍 （純米吟釀 ）辛口’ 好似夾D！