2016年7月16日政壇新秀訓練班 《第六百一十集》 - 黃家和（香港餐飲聯業協會會長） - 香港飲食業發展

聽說，不少新秀因為要助選而沒有參與是日討論；不過，今日的討論內容，反而是最見微知著，最值得深思。尤其在第13分鐘，我如何透過‘任食盛行’，去解讀土地不足問題？和哥的回答也代我說出了我心底的話。第37分鐘，我又如何透過‘挾餅員’去解釋社會向上流問題？這些都是非常社會學，及值得大家討論的點子。至於，當年是誰教曉我‘挾餅員的故事’，正是我下午在城市大學巧遇的何強星老師。

節目重溫：
http://programme.rthk.hk/channel/radio/programme.php?name=radio2/YoungPolitican&d=2016-07-16&p=2517&e=&m=episode

今年第一季零售業總銷貨價值跌左百份之12.5，加上訪港旅客大跌一成，旅遊相關總消費仲少左百分之7.5，都反映香港經濟有下行趨勢。不過飲食業比較其他消費行業，影響無咁大，佢地今年第一季的收入只係微跌百分之1.5，當中快餐類別的營業額更加多左百分之6。

講到飲食業，近幾日有關美食車的討論又浮返上面。話說政府去年提出的美食車先導計劃已經過左第一階段。係192份美食車申請中，一共有51份申請，可以入到第二階段，參加烹飪挑戰賽，預計今個月會有結果，最快今年年底就有得食。美食車可以停泊既地點有8個，政府都會安排美食車係大型活動提供野食，但就唔可以係其他地方或者私人宴會做生意。

除左地點，美食提供的食物都有限制。美食車喺評審階段嗰陣煮左的招牌食物一定要保存，參賽時嗰陣的食物分量及價格亦要保持不變，啫係話唔可以參賽嗰陣用和牛，賣嗰陣改用其他材料。

但係要做一架美食車，投資額數以十萬計，到底係咪可以比小市民入場做生意呢？美食車政策原意係提供「有特色的香港美食」，但經營成本咁高，到底有幾多平民美食可以保存？如果要賣香港特色的小食，例如路邊既魚蛋同牛雜，要到底要賣幾多錢先至回到本？另外曾經話過會再發出的小販牌，到底幾時會有，係咪唔提就唔存在呢？

今集政壇新秀訓練班，請來香港餐飲聯業協會會長黃家和同我地一班政壇新秀一齊傾下。

參考閱讀：2016年7月18日香港01港聞
《領展加租3倍　趕走35年金禾茶餐廳　老闆斥：淨係考慮利益》
http://www.hk01.com/%E6%B8%AF%E8%81%9E/32191/%E9%A0%98%E5%B1%95%E5%8A%A0%E7%A7%9F3%E5%80%8D-%E8%B6%95%E8%B5%B035%E5%B9%B4%E9%87%91%E7%A6%BE%E8%8C%B6%E9%A4%90%E5%BB%B3-%E8%80%81%E9%97%86%E6%96%A5-%E6%B7%A8%E4%BF%82%E8%80%83%E6%85%AE%E5%88%A9%E7%9B%8A