各位美國o既朋友大家好：
又係我，來自香港o既葉振東，上次就同大家分享過香港，響2011年o既大事，唔知大家有無同感呢？今次呢，我會同大家分享下中國大陸、同台灣，響2011年有o也野值得回顧o既大事。響開始之先，我想先同大家講五隻字：就係：民生無小事！我再講一次，係民生無小事！我響做資料搜集o既時候，發現兩岸之間o既大事，離唔開同市民息息相關o既衣食住行。
那上次，我當講過喇！今年係The Year of Change，你願意也好，唔願意也罷！兩岸今年都要換領導，或者進行大選！依家互聯網非常方便，如果有聽眾睇過我響香港o既連載專欄，或者會問，我唔係覺得馬英九會「贏少少」咖o羊？
無錯，小馬哥係選情告急，我o既諗法亦無改變過！不過唔換小馬哥，台灣方面肯定會換左個副總統。國民黨籍、屬財金專家，三朝不倒，位列仙班o既國民黨前輩，有微笑老蕭之稱o既蕭萬長，一早就已經唔響今次選舉o既跑道上；換左，除左立法院院長王金平之外，第二位曾經被稱為「南霸天」，意思即係響台灣中南部非常吃得開，受歡迎o既小平頭，現任行政院院長吳敦義。同小馬哥搭配，所以，台灣有一個開玩笑o既講法，就係拎左小馬哥、蕭萬長，吳敦義個名類面，一隻字，同諧音。話國民黨今次係「九萬變九億」，多左o甘多，大家都未話唔開心呀！
不過，台灣大選，我打算響下個禮拜先同大家重點作出分析，今次就唔講o甘多住。翻翻我地o既主題，兩岸大事回顧。首先，當然係講下中國先。
中國地方大，人口多；基本上年年都係風風雨雨。不過有d重大事故，諗深一層其實真係可以避免。舊年中國大事，香港o既傳媒，以至國外o既傳媒。普遍都選發生響7月23號o既溫州鐵路追撞事故做頭三甲位置。兩列同向往南行駛的列車途經浙江省溫州市甌江特大橋時，後車追撞、後車四節車廂從橋上墜下。事故造成至少43人死亡，包括2名外籍人士，195人受傷，是全球高速鐵路繼
好似第二件，一樣轟動全國o既就係佛山小悅悅事件小悅悅事件，舊年10月13日佛山市南海區o既廣佛五金城，一名2歲女童王悅（乳名「小悅悅」）先後被兩輛汽車碾壓，18名過路的行人沒有給予施救，最終被一名收垃圾的阿姨陳賢妹救起，隨後被送往廣州軍區廣州總醫院急救。七日之後，小悅悅宣告搶救無效離世。
溫家寶總理舊年響人大，政協兩會期間，痛斥的國人誠信缺失、道德滑坡。成日愁眉深鎖，有苦黃瓜之稱o既溫總，果然先天下之憂而憂。國人何止，道德滑坡，簡直就係雪崩！早前又有一位男子，見到響池塘浸親o既小朋友，見死不夠；結果發現，浸死o既竟然係自己個仔！類似o既新聞，其實成日響中國發生，如果中國經濟持續增長，但國人水平又持續劑後；中國o既公民社會唔單薄止難以成長，仲會成為社會o既大炸彈。
不過，話雖如此，中國o既好日子可能好快就要劃上休止符！從前，中國財金官員，對經濟的預測，最新常用o既說話，就係「保七保八」。但結果通常都係「見九、變十」。但係去年第三季開始，中國o既經濟增長，出口都有放緩蹟像。部份工業園區仲開始出現倒閉潮。美國之前有次按危機，中國今日就有民間借貸金融擠兌危機。在宏觀調控、銀根抽緊的大背景下，溫州民間借貸空前活躍，成為中小企資金來源的主要渠道。由於當地民間借貸綜合利率持續上揚升至一百厘，民間資金鏈瀕臨斷裂，捱唔起貴息的中小企業接連倒閉，上演老闆潛逃、跳樓自殺、企業倒閉、員工欠薪等一系列事件，企業間的相互聯保將影響放大，當地民間借貸風聲鶴唳，引起市場對內銀股不良貸款增加的擔憂。呢果情況，仲好似有骨塊效應，因為民企借貸你估廣東就無？四川就無？天津就無？情況又唔係一樣
更重要，係事件發展到村民鎖村自保o既時候，村民有秩序o甘成立自治會，最後，竟然被省政府承認合法地位。呢個我地唔止睇到中共響中國o既「強管治」開始出現裂痕o既同時。亦見到除住資訊高度流通，人權不斷上升；面對新時代o既挑戰，中共有一D地方已經再站唔住腳，或者o甘講，就係要配合時代需要喇！
奇怪呀呵，以上幾件大事，兩件發生響溫州，兩件發生響廣東。兩個都係重要經濟城市，發展背後，其實真係有代價，有暗湧咖！
好喇，我地轉個話題，各位美國o既朋友，有無諗過，如果有一日，新聞報導coca – cola 有化學成份，唔係會飲肥人，而係真係會食壞人。嘩，我諗果種震撼情度，真係唔知點認容先貼切。
舊年，台灣第一件大事，就係5月爆發，哄動國際的塑化劑事件，有不法商人在食材中添加塑化劑，逾千項食品遭污染，主要包括運動飲料、果汁飲料、茶飲料、膠囊錠狀粉製品及果醬、果漿或果凍，當中涉及多個知名品牌。除飲料有問題，包括泡麵等各類食品都傳出添加塑化劑，甚至知名兒童鈣片、藥品、化妝品、日常用品，無一不有塑毒。
好似金蘭醬油、康師父即食麵、統一飲品都係台灣家傳戶曉o既老品牌，差唔多我地台灣人，人人都食過，家家戶戶都有o既！事件仲燃燒到香港，攪到好似o也都唔食得一樣。
台灣人抱負過小馬哥政府把關不力，反應慢半拍。但其後，又發現原來塑化劑，另一個名叫起雲劑。響台灣食品類面，已經用左超過三十年。只不過大家習以為常，無覺得係一個問題，依家講喇！大家就覺有事o羅！
呢件事，對台灣食品出口最傷，大家都知台灣食品響全球有幾受歡迎。我細個果陣，好鍾意用豬肉鬆撈飯食咖，事件暴發之後，台灣食品送到接近無人要。攪到依家，我都唔仲有食品有塑化劑，但肯定最大贏家係新北市市長朱立倫，因為佢攪左幾次，全民搜查塑化食品運動，人氣點都有拉抬一下o既！
另一件影響台灣深遠o既大事，就係ECFA「兩岸經濟合作架構協議」響舊年年頭簽訂左。最立竿見影o既功效，就係開放陸客，到台灣旅遊。今日o既名額去到3000人，那、呢個數字，係未計各式各樣o既兩岸互動考察團，所以實際訪台人數，今日應該唔止o甘少。但係隨著兩岸關係暖和，經濟加強發展，大陸「錢包子」政策o既作用，台灣舊年第一季o既經濟曾長，就創出區內最佳表現，達到13.1%。相信呢個數字，一定令唔少美國朋友好羡慕喇！
一年之內，大陸同台灣對點直航o既班機，急增至558班。現在由上海、夏門、寧波去台灣桃園機場，仲快過響香港飛過去。講件事比美國朋友聽下，香港o既信用卡公司，最鍾意用o既簽帳禮物，就係台灣來回機票。o甘大家知道因為兩岸直航之後，香港到台灣o既機票，被逼平到o也野地步。
陸客訪台，刺激經濟，對台灣當然係好事，問題上係，台灣連年花時間響政治消耗上面，好多地方，日久失修，疏於管理。根本就承受唔起突然而來o既大量遊客。好似全球出名，o既阿里山。舊年4月27日，阿里山森林鐵路神木站附近路段在中午發生車輛翻覆意外，造成6人死亡、超過60人輕重傷，其中5名死者為中國籍旅客。我想講呢件事只係開始，之後阿里山小火車，響接待大陸，或本地遊客時，接連發生意外。令台灣呢個著名景點蒙上污點。
除左大陸人，響台灣玩得唔係o甘爽之外，兩岸關系其實仲有d o甘湧，同死穴。舊年二月菲律賓政府發表聲明，針對日前將14名涉嫌跨國詐騙的台灣人，遣送中國一事表示「深切遺憾」；台灣外交部表示將召回駐菲律賓代表，並取消菲國人民網路登錄免簽證待遇。
事件，傻果位係菲律賓政府，但出現問題o既就係兩岸之間。好彩最後事件都得到解決。對兩岸正面發展無造成傷害，亦唔可能有傷害。點解呢？o岩o岩簽完ECFA，無理由o甘快就反面呀！
最後一件大事，應該係台北國際花卉博覽會四月落幕，花博會長達171日。對外交屬有限公司o既台灣來講，攪得成花博真係相當唔錯喇。
沒有留言:
發佈留言