2020年7月18日 -《第六十七集》冼雅琳老師(香港輔導教師協會副主席)：DSE放榜

節目播出後，在《立場新聞 - 家長、老師如何幫助 DSE 考生？》，原先轉載。

節目重溫：https://www.rthk.hk/radio/radio1/programme/young_politician/episode/694675

Youtube 頻道：https://youtu.be/lUPFGOF6Bh8

本集簡介：

考評局將會喺下星期三公布今屆中學文憑試成績，考生感到緊張亦不足為奇。過去一年，香港先後經歷社會風波同肺炎疫情，停課同網上教學令學生嘅溫習進度大受干擾，而語文科口試亦因為疫情嚴重而被取消。  喺調整語文科評核比重後，同學需重新適應評分標準的改變，溫習壓力亦隨之加重。  另外，喺考試期間，歷史科亦因為政治爭議而要取消試題。對有應考歷史科嘅學生來講，最終考試成績嘅不確定因素上升，亦嚴重影響應考其他科時嘅心理準備。

近日青協公布有關「文憑試考生壓力狀況」嘅調查結果，在受訪的538名應屆考生中，有大約六成表示「對自己的期望」係最為影響文憑試表現的因素，其次係「因疫情令學習支援減少」及「社會氣氛」。另外，有超過5成嘅受訪者表示放榜壓力達最高水平嘅級別，是自2012年首屆文憑試以來最高。究竟家長、老師可以如何幫助他們？

除咗本地升學，亦有唔少學生或家長會考慮以文憑試成績報讀海外大專校。 近年香港嘅政治環境促使更多人有到海外升學同移民嘅念頭，近日亦有國家願意放寬香港人喺海外升學同定居嘅簽證要求，到底呢輪嘅人口外流會維持幾耐，對香港嘅未來發展會有幾大影響？

香港輔導教師協會曾建議同學主動了解收生課程嘅入學門檻，並且要作兩手準備，因應科目評分標準調整而更改升學計畫。今日嘅嘉賓有豐富嘅升學輔導工作經驗，會點睇今次疫情嘅影響？ 同埋有無更多建議俾到考生？ 今集政壇新秀訓練班，請嚟 香港輔導教師協會副主席 冼雅琳 同各位傾傾。

有請冼雅琳老師