因逃犯條例條例修訂，而引起的社會嚴重撕裂。2019年8月24日 林鄭月娥與「有心人」開會，研究構建對話平台 。會議後，不少人認為這是第一次，也是最後一次會議。有份參與的蔡海偉仍然盡力參與，並認為如果能夠成功構建平台，必須與公民社會討論：政府管治問題、警方執法的公權力制衡及改革政制；但這份好意會否過於一廂情願呢？林鄭月娥若然願意到《政壇新秀訓練班》與我們公開交流，我們又是否歡迎呢？今集我們請來社聯行政總裁蔡海偉，與我們一同討論一下。
Youtube 頻道：https://www.youtube.com/watch?v=BluaEmJBb1g&feature=youtu.be
行政長官林鄭月娥最近宣布成立對話平台，希望招攬各界人士，同公眾建立溝通渠道，希望修補因逃犯條例修訂所造成嘅社會撕裂。
究竟社會撕裂有幾嚴重？過去幾個月，每個禮拜都有針對逃犯條例同埋警察濫權嘅遊行示威，往往演變成激烈嘅警民衝突，但政府回應的態度同內容，每每有火上加油之嫌。目前社會瀰漫着強烈嘅仇警情緒，示威活動亦經常波及警察宿舍，困擾唔少警察家屬。官民關係變得前所未有咁緊張。同五年前雨傘運動一樣，政見不同而引發唔少家庭同親朋之間嘅矛盾，並唔係社會樂見嘅情況。
社工嘅天職係保護弱勢社群，推動社會和諧、公義。而係今次反送中運動，經常見到有社工去到示威活動嘅最前線，希望勸阻示威者或者警察武力升級，避免衝突越演越烈。但有執法人員就指責社工教壞細路，究竟是否屬實？
係今時今日咁緊張嘅社會環境，究竟社會福利界可以點樣協助調和社會矛盾呢？而社工走到示威最前線，又招惹各方批評，到底社工應點樣定位呢？角色又有冇混淆？另外，香港社會由下而上的溝通，是否從未有效運作，而導致社會充斥不滿情緒？
今集政壇新秀訓練班，請到從事社福界資深工作者、並獲邀加入搭建對話平台嘅社聯行政總裁蔡海偉，同各位一齊傾傾。係喎，林鄭特首拋出一句「大家都累了」，唔知蔡sir又點解讀呢？有請蔡海偉！
沒有留言:
發佈留言