有時做義工，都係一種學習；呢兩年我有機會擔任「安老院舍服務質素小組」成員，先知道私院都的確「大有學問」。由於疫情，與其他委員、社署姑娘相處都係帶住口罩，大家當然就唔知對方係咩樣！但始終都有接觸，所以自然會慢慢熟絡，開始有D共同話題。今日完成秦石探訪後，姑娘同我講：你都幾熟大埔喎！我就好籠統咁講下我以前響大埔嘅小故事。突然姑娘問：你識唔識阿旋。我話：識！佢係我徒弟。姑娘呆一呆話：我係佢同學，你就係卓施嘅創辦人。當年我地好多人識卓施咖！
俱往矣！但原來我地嘅故事真係仲有人講，仲有人記得！我諗我地真係「曾經活過」喇！當然響新時代嘅香港，已經不值一文。
沒有留言:
發佈留言