節目重溫：https://www.rthk.hk/radio/radio1/programme/young_politician/episode/686848
Youtube 頻道：https://youtu.be/B4I5IB-0fts
一直以來，中產都係香港構成部分之中嘅中流砥柱，但近一年來，接連發生修訂逃犯條例風波、肺災疫情，甚至最近港區國安法嘅訂立，都令呢班中產開始出現信心危機。
响上年十月，香港反修例風波期間，香港中文大學香港亞太研究所發表左有關香港人移民意欲嘅民意調查，發現有約百分之42嘅受訪者有打算移民或移居外地嘅想法，比例創近四年嘅新高。當中移民嘅「本地因素」，最多人選擇「社會撕裂嚴重」，有大約百分之28人選擇。其次係「香港政治不民主」同埋「對中央政府無信心」，分別有約百分之22同埋約百分之20人選擇。而相對過往調查，擔心政治同民主因素嘅人明顯上升。種種現象，都一定程度反映中產對香港既政治甚至未來產生疑問。而最近一次嘅選民登記數字顯示，41-50歲人士對比其他不同年齡群組係增幅得最多，這莫非代表佢地因過去一年不同嘅社會事件而政治醒覺？
修例風波後，中產之聲主席李子榮曾批評紓困措施唔到位，未能化解民憤。早前有會計師行預料今年上半年商舖租金料再跌10至15%，經濟會繼續向下，但政府嘅紓困措施又往往忽略中產，會唔會因此進一步打擊中產對香港嘅信心？面對經濟前景不明，佢地可以點樣自保？
中產係香港嘅中堅分子，但連佢地都疑似對香港嘅未來投下無信心嘅一票，到底佢地應該係走定留？即使留低，佢地又應如何自處？
我地有請 李子榮！
沒有留言:
發佈留言