節目重溫：https://www.rthk.hk/radio/radio1/programme/young_politician/episode/681609
Youtube頻道：https://www.youtube.com/watch?v=qs3PCa1JISM
早前本港肺炎疫情嚴重，有快餐店暫停晚市堂食服務，令俗稱「麥難民」嘅露宿者突然失去安身之所，街友問題又再次進入社會大眾嘅視線範圍。根據政府統計處數據顯示，香港露宿者人數响2018年突破1200人，當中以油尖旺區及深水埗區人數最多，各有四百幾個露宿者。但有社區人士表示，由於實際上有約一半人並無接受登記，所以露宿者人數應該多達二千多名，問題比想像中嚴重。
近期，疫情引起失業同開工不足等問題，有人擔心露宿者人數會進一步上升，但政府未有有效政策之餘，限聚令措施，同埋社區設施嘅關閉，都令露宿者嘅生活更加艱難。暫時只能靠社工同民間團體，進行有限度嘅支援服務。
針對露宿者問題，上屆深水埗區議會於2017年通過無家者友善議案，希望令無家者能夠重拾生活尊嚴。不過，議案通過三年，民政處及社署代表都只係表示正在研究相關問題，未有回應落實執行時間。當中深水埗區議員，民協嘅徐溢軒直言對政府失望，並認為毋須再做更多研究，因為關鍵在於政府係咪落實執行。
到底政府响有關問題係咪得個講字？疫情之下，露宿者生活係點？落實無家者友善政策，又係咪真正幫到露宿者？
我地有請，徐溢軒議員！
沒有留言:
發佈留言