節目重溫：https://www.rthk.hk/radio/radio1/programme/young_politician/episode/676840
Youtube 頻道：https://youtu.be/zdcm717bEKo
「漂流教師」係指香港嘅大專院校入面，大量以兼職模式聘用嘅教學人員，佢哋嘅薪酬及工時唔及全職教員穩定，為咗維持生計，往往要同時喺多間院校任教。根據香港教育專業人員協會喺 2018 進行嘅調查，534位受訪大專院校教師當中，就有
84 人就屬於兼職教師。
呢 84 位兼職教師當中，過半數人喺受訪前一年內曾經喺至少兩間大專院校任教，九成半人嘅每次合約期都少於一年。除咗合約期短之外，當中超過九成人係得唔到任何教職員福利例如進修假期、醫療津貼，甚至連正式嘅辦公室都冇，薪酬亦好多時只係計上課時數。換言之，兼職教員嘅工作性質同全職一樣，但待遇就差一大截。
由於「漂流教師」要兼顧多間院校嘅教學工作，冇固定嘅工作時間、地點，平日已經好難處理學生課後嘅學習需要。從教育整體而言，教員頻繁替換，難以確保有穩定嘅教學質素。
喺今次疫情之下，唔少大專院校都先後停課，再改為網上教學，對於兼職教員嚟講，工作壓力百上加斤，但政府又無額外支援教職員嘅需要，對於學生、以致整體教學水平而言，係百害而無一利。到底政府應該推行咩措施去支援教育界呢？
長遠而言，大學又需唔需要改變聘用大量兼職教學人員嘅做法呢？喺目前大學重視研究嘅大環境下，又如何提升教學質素呢?
今集政壇新秀訓練班，請嚟「高教公民」成員賴卓彬同各位傾吓大學教育應該點樣向前走。
有請 賴卓彬博士。
沒有留言:
發佈留言