2020年3月28日 - 《第五十一集》楊立門先生(中華廠商聯合會行政總裁)：如何「撐企業，保就業」？

節目重溫：https://www.rthk.hk/radio/radio1/programme/young_politician/episode/674421

Youtube 頻道：https://youtu.be/SnPMX8f7UBk

自舊年下半年嘅反修例風波開始，香港嘅本地生產總值已經連續兩季下跌，技術上已經踏入衰退；而今年遇上新型肺炎打擊，對經濟嘅負面影響可能比當年沙士更嚴重。香港嘅失業率由上年五至七月錄得嘅百份之 2.9 上升至十二月至今年二月錄得嘅百分之 3.7，個別行業例如零售、飲食、建造業嘅失業率更上升至超過百份之六。

喺社會事件同疫情嘅打擊下，財政司司長陳茂波喺財政預算案公佈設立總共 300 億元嘅「防疫抗疫」基金，支援零售、飲食、旅遊等行業，以及提供低息貸款、寛免商業登記費等協助企業渡過難關。但有不少中小企已受到巨大損失，例如大量海外工廠停工，貨運受到嚴重干擾，政府嘅支援會否來得及時？

中華廠商聯合會會長吳宏斌認為「防疫抗疫基金」以及財政預算案提出嘅紓困措施只能夠解決部份行業的燃眉之急，若疫情持續多兩、三個月，政府就可能需要加強抗疫措施嘅規模、延長期限甚至擴大資助範圍。除此之外，廠商會又建議政府進一步為中小企提供營運資金貸款，協助維持穩建嘅財政能力。

今日嘅嘉賓曾有份推動沙士後經濟復甦，由身為前官員，至現時嘅商界人物，佢點睇今次疫情所造成嘅危機？政府除左派錢，會否有其他政策可以刺激本地經濟？今集政壇新秀訓練班，請嚟中華廠商聯合會行政總裁 楊立門，同我地傾傾。

有請楊先生。

相關報導：2020年3月27日《信報財經》邱騰華:仍研究措施協助企業及支援員工

商務及經濟發展局局長邱騰華出席電台節目後表示，政府實施的抗疫新措施，不同行業都可能受影響，政府會支援受影響行業，資助方式仍在研究，希望可以協助企業同時令僱員受惠，而疫情似乎不會在短期內完結，政府必須考慮支援措施對整體財政承擔，會繼續與業界商討。

邱騰華出席電台節目時，被問到政府會否向受影響飲食業界，補貼員工八成薪酬，他回應稱，要視乎負責的政策局如何處理，部分行業的員工定義清晰，但部分涉及散工及自僱人士等，仍在審視如何提供協助。

至於行政長官林鄭月娥表示，會要求接受支援的企業不要裁員，否則影響財政支援申請，邱騰華就指，政府正研究如何具體處理，舉例指可以向企業分期支付金額，在批出第二期資助時，考慮僱員數目，仍要與業界商討，並在設計上作出安排。