香港嘅兒童貧窮問題一直受人關注，由學習至社交生活對學童都會有所影響。究竟有無方法可以改善跨代貧窮？點樣可打破兒童貧窮帶來嘅發展阻礙？今集《政壇新秀訓練班》就請到關注學童發展權利聯席組織幹事 — 張展翹來到，同各位政壇新秀一齊傾傾~
關注學童發展權利聯席 ，簡稱關學聯。聯席成立嘅目的，係為左減少貧窮為兒童學習及發展帶來嘅障礙，協助貧窮兒童發展自我。同時爭取縮窄貧富學童之間學習資源嘅差距，令貧窮兒童都得到平等發展機會。
最近香港社區組織協會發表報告，指本港目前貧窮兒童比率達23%，即超過23萬名兒童生活响住戶入息中位數一半以下嘅貧窮家庭裡面，情況值得令人關注。報告同時選出十大貧窮兒童關注政策，頭三項依次序為房屋、教育資助和綜援金額不足。
雖然兒童貧窮問題咁值得令人關注，但政府响呢方面嘅改善力度似乎未能令人滿意。早前施政報告宣讀前，包括關學聯在內多個關注低收入家庭嘅團體召開記者會，批評特首嘅相關政策。當中提及在職家庭津貼與兒童津貼掛勾，假如父母當月未能符合職津標準，兒童津貼亦不會發放，促請當局應考慮獨立兒童津貼的發放。
今集，就請來關注學童發展權利聯席組織幹事，社工張展翹，同一眾政壇新秀討論兒童貧窮既問題。到底有無好嘅方法去改善跨代貧窮呢個難題？點樣打破兒童貧窮帶來嘅發展阻礙？
我地有請，張展翹！
沒有留言:
發佈留言