2019年9月6日 - 亂世生日的選擇

我成日講，人最重要'曾經活過'，而非生存過。 所以每一年過去， 我都會問自己，過去有冇一件事值得我記得，而過去18年嘅生日，我都選擇靜靜咁，同家玲一齊度過。 今年生日，我當然好多謝佢爲我準備咗個藍帶蛋糕 ; 亦多謝我班同事，係我做廿幾年嘢以來， 第一次有同事為我慶祝生日，證明日久見人心。夜晚，我自覺'有種責任'， 邀請小濤兄，選擇與YCCG一大班年輕人， 響旺角封路之下渡過，今年生日應該好值得記得!