2019年3月9日政壇新秀訓練班 - 《第七百四十六集》吳衛東（社區組織協會幹事） - 租金津貼與快餐店難民

今日講清楚：樓價高企，租金昂貴，香港人口在2030年將達900萬；若無長遠人口規劃，人口為患之下的快餐店難民，是必然的社會悲歌。

節目重溫：https://www.rthk.hk/radio/radio2/programme/YoungPolitican/episode/559045

今個星期繼續同大家講房屋問題！上星期就講到香港人置業難，但今次唔講置業，在香港租樓也是困難重重。淨係劏房的租金，呎價分分鐘貴過私樓! 香港既租金貴絕亞洲，全球排名亦唔低。但越住越貴唔代表單位面積大和舒適喎﹗

有團體歸究，政府不願重設租金津貼和租務管制。政府當然就統一口徑，話現時不是合適時機推出租金津貼，怕基層未必受惠。例如有人提出租樓可以扣減薪俸稅，只有中高薪人士才能受益，對於基層未必有用，業主仲會乘機加租，津貼只是輾轉到了業主手中。甚至會因為水漲船高，令其他沒有津貼既市民或受貴租之累。講到咁多原原因因，簡單來講，即係今屆政府是無意推行租金津貼囉。

政府暫時無意重推啫，但坊間就有不少團體都大力催促政府重推。而立法會房屋事務委員會亦在今個星期一，通過無約束力議案，促請調撥更多私樓熟地以發展公營房屋，並就租金管制和租金津貼展開諮詢。

政府話租金津貼有機會so咗啲業主，咁有學者就反駁嘞，話租金津貼若配合租金管制和空置稅，便可有效防止津貼落到業主的袋中。這個方法是否就是出路呢？政府不願重推租津租管，是否嚮應特首「以置業為主導」呢？

今集政壇新秀訓練班就請來，社區組織協會幹事吳衛東，和我們傾傾啦！