節目重溫：https://www.rthk.hk/radio/radio2/programme/YoungPolitican/episode/561526
全國兩會可以話係內地每年的頭等大事，會議開足10日，討論範圍之擴，與會人士之團結，相信無人質疑。
上年中央大大力推優美既大灣區和偉大既一帶一路，今年當然要繼續講。港澳辦主任張曉明話齋，「於重複中見要義」呀嘛，唔明呀？即係重要既事情要講三次，就知曉佢重要既意義嘞﹗
張主任解讀總理李克強所做的政府工作報告時，讚揚特首林鄭月娥過去一年帶領港府，勇於擔當、積極作爲，依法取締「港獨」組織「香港民族黨」，阻止「港獨」分子參與立法會和區議會補選……果然勇猛﹗
不過，基本法104條的內容中，要求擁護基本法的人士並無包含區議員。其後傳媒都發現，港澳辦上載全文時，就刪去了「區議會」這3個字。到底是張主任一時口誤，還是「鬼拍後尾枕」？
另外，今年兩會共有3000幾件提案，部份內容獨特，例如有人大代表建議當局提出公職人員體重及健康管理規定，若不達標和減肥失敗，必須接受飲食控制教育、再過半年仲係超重就要減薪、一年後仍然超標，就要自行離職；有團體就建議換走現時內地常用的運動服校服，轉成「結合中華傳統文化」的設計等等，諗法真係耐人尋味。不過千祈唔好笑，人家是認真的﹗
今年兩會召開之前，國新辦發言人稱，去年全年，國務院各部門辦理了過萬宗兩會提出的建議和提案，人大同政協滿意率達到百分之百。說不定這些騎呢提案，明年同樣會百分百接納。唔信？不如我們今日就來問一問前全國政協委員劉夢熊，睇下佢點睇啦！
《熊出沒注意: 無乜人知道我同Dream
Bear識咗好耐，仲好熟吓添！而佢亦成為左，香港電台第二台政壇新秀訓練班15年來，最後一次有嘉賓嘅壓軸猛人。》
沒有留言:
發佈留言