2018年1月27日政壇新季訓練班《第六百八十九集》葉家寶 (資深傳媒人) - 電視台發展

今日講清楚：電視、新媒體都只是工具，內容吸引、製作認真才是皇道。

節目重溫：http://www.rthk.hk/radio/radio2/programme/YoungPolitican/episode/484048

一百萬的題目：究竟發展網絡電視會否成為趨勢呢？唔識答？你用五十五十抑或問現場觀眾？上述係非常經典的電視節目，嗰時唔少觀眾都有追看。去年12月亞視宣布復活，以網絡電視的形式繼續運作，加入市場和Viu OTT、myTV super 和Netflix分一杯羹，行政總裁吳雨還覺得半年內會有超過一百萬人次收看。講到睇電視，家下啲人多咗娛樂，會唔會咁易聚到觀眾？

現時網絡電視大多以重溫節目，和購買內地或海外劇集為主要內容，不過按一個鍵，你想看甚麼劇集都可以，資訊娛樂變得廉價，為什麼一定要透過網絡電視收看？要突圍而出，有些公司會製作自家製劇集和節目，不過就需要更多成本，可能又要收費，這又會降低觀眾的收看意欲，現時香港的網絡電視都處於虧損，網絡電視這條路是出路還是死胡同？

以前我們會說有圖有真相，不過現時有埋條片才是王道。不但網絡電視講求畫面，連電台新聞也要有視像版，今時今日做傳媒行業似乎要「周身刀，張張利」，不過當媒體愈來愈多功能要兼顧，會否犧牲了資訊的質素？到底多功能是否就代表好？傳媒人士身上是否要有一萬張刀才能保飯碗？

今集政壇新秀訓練班就請來資深傳媒人葉家寶和我們一起討論網上電視台的發展。