時間上有點巧合，因節目翌日，即2016年8月7日便是‘全民運動日’，節目中提及思想與觀念上的改變，政策及設施上的配合，其實都是非常值得深思的。
http://programme.rthk.hk/channel/radio/programme.php?name=radio2/YoungPolitican&d=2016-08-06&p=2517&e=371319&m=episode
香港小朋友普遍缺乏運動，只有唔夠兩成的小學生，每日做足世衞建議，60分鐘的中至高強度運動，比例極低。教育局去年公布過，學校體適能獎勵計畫的健康數據，結果顯示有兩成七學生超重，體適能比內地、新加坡同歐洲差，成為潺仔一族。
坐地前伸測試柔軟度，10歲香港女仔平均可前伸約20厘米 ，柔軟度同新加坡最差一群差唔多；隨着年紀增長，體能差距更加顯著。去到19歲，香港女仔的平均能力，已經比新加坡最差一群更差。手握力方面，男仔更遠低於全球水平，15歲香港男仔的手握力較內地及歐洲低8公斤 ；心肺適能亦都不及歐洲水平。
唔單止係咁，學童接近每十個有一個癡肥、每五個有一個超重，以小五至中二生最「發福」。
有學者話，問題在於着重學業的風氣，不少家長望子成龍，要求以學業優先，其他時間先做運動。學生在課餘亦做「鍵盤戰士」，沉迷打機、上網，會變肥之外，體能都會變弱，容易誘發各種疾病。港大醫學院院長梁卓偉就講笑話，網絡時代之中，鍵盤戰士多於體能戰士，學童手指力隨時強過手握力。
有中學校長話，連陸運會參加人數由以往的9成跌到7成，有啲中學甚至會放棄體育堂，想做多啲運動都冇機會。
但係有時咁做都係迫不得已，因為香港學生的學習壓力大，尤其係要考公開試的學生，往往訓都訓唔夠，體育堂往往係「開刀對象」，比老師用嚟補課。喺呢個大環境下，點先可以鼓勵學生做多啲運動？
今集政壇新秀訓練班，就請嚟中大體育運動科學系的教授許世全，同我地一齊傾下。
沒有留言:
發佈留言