2021年8月21日 - 《第一百二十一集》宋恩榮客座教授 (香港中文大學經濟學系) ：【激變後的太陽】

節目重溫：https://www.rthk.hk/radio/radio1/programme/young_politician/episode/767291

Youtube 頻道：https://youtu.be/QBuaEGZs_6I

本集簡介：

反修例風波令唔少年輕人惹上官非，面臨刑事檢控，佢哋嘅生涯規劃會大受影響。有學者覺得，失去咗呢一批年輕人，係對社會嘅一大損失，所以就成立蛻變計劃，希望為參與反修例事件同埋有案件在身嘅青年，提供政治中立嘅心理輔導及司法程序嘅支援，幫佢哋之後重投社會，又建議懲教署參考新加坡，畀在囚人士用平板電腦學習。

不過呢班學者口中嘅年輕人，即使佢哋可以重投社會，係咪代表社會歡迎佢哋呢？青年人因為政治惹上官非，但蛻變計劃所提供的心理輔導及司法程序的支援都係去政治化，係咪真係接觸到最需要幫助嘅人？

另一個問題係，反修例風波仲有好多餘波需要解決。今年7月1號，就有人喺銅鑼灣街頭刺傷警員之後自殺，港大學生會評議會之後通過動議，感激死者。警務處處長就話，感謝「兇徒」為香港犧牲，某程度上係認同或者明白兇徒嘅行為，有可能違反國安法27條，宣揚恐怖主義罪。國安處之後就拉咗四個港大學生，話佢哋涉嫌違反港區國安法。呢四個學生年紀只係18至20歲，若果佢哋嚟申請呢個計劃，佢哋又係咪符合資格？幫一啲涉嫌觸犯國安法嘅青年，會唔會擔心惹上官非？

2021年8月21日香港電台第一台 - 政壇新秀訓練班《第一百二十一集》請嚟香港中文大學經濟學系客座教授宋恩榮，同大家一齊傾下。