2021年7月8日 - 馬鞍山鞍駿街11號福安花園地下53號舖《金興小廚》幻之咖哩吉列豬扒蛋包飯」

人攰到high high，唔知點解就會想食炸野！反正未試過《金興》嘅「幻之咖哩吉列豬扒蛋包飯」，咪諗住去試下。點知—入門口就殘念：下午3:00後供應！

我都未開口，老細就同我講：想食呀？我整比你丫，反正現在得閑！不過日式咖哩就真係3:00後先有貨，一般咖哩要唔要！

咁我當然要啦！就係咁，我就試到馬鞍山嘅隱藏名物，的確名不虛傳。我一直好鍾意小店，就係呢份本土人情味！