2021年6月19日 - 《第一百一十二集》鄧飛 (香港教育工作者聯會副主席)：國安教育「教與學」

 節目播出後，在《立場新聞》 ，原聲轉播。

節目重溫：https://www.rthk.hk/radio/radio1/programme/young_politician/episode/755458

Youtube 頻道：https://youtu.be/WTOgNIdlsuI

本集簡介：

國家安全教育被納入中小學課程，包括15個學習領域或者科目，教育局更建議，2022/23學年開始，學校應該要全面落實同國安相關的教育同行政措施。改動咁多科目唔容易，學校準備好未呢？

國安教育由拍板到實施的時間唔多，題材敏感；而目前教育局只係提供大原則，但點解釋呢啲大原則，未必人人有相同標準，老師講得少怕學生聽唔明，但講得多就怕惹上麻煩。

上星期有報導話，港大內部討論過如何在國安法下保障研究與教席，有出席的人話感到無助，更有教職員情緒激動，話自己向大學奉獻學術生涯，卻被遺棄，感到絕望和恐懼。報導亦指，有港大的研究生，透過國安法舉報熱線，舉報兩名港大教職員。連港大都咁，可以想像其他教育機構中的老師可得到幾多支援！

老師的壓力除咗來自學生，仲有管理層同教育局。上年培正中學有人發起反對「港區國安法」聯署，其中一名聯署人與培正副校長同名，教育局要求學校解釋及提交報告，又強調，所有教學人員，特別是學校管理層，必須以身作則。一旦老師因為教國安法掂到紅線，學校是否會提供法律支援呢？ 教協副會長田方澤話，國安教育已經不止是紅線，而是一片紅海，形容老師一郁就中，又指老師只可以教官方觀點，唔可以質疑，現在教學上不能批評政府，也不能表達政府不同意的觀點，制度內冇乜空間講真話，業內不少通識科教師已陸續請辭。 

學校今年就要推國安教育，學校同老師準備好未？教育局的支援足唔足夠？學生點先為之學得好、點先為之學得唔好？今集請嚟香港教育工作者聯會副主席 鄧飛同我哋一齊講下，國安教育可以點教、可以點學。