2020年9月26日 - 《第七十七集》施俊輝(教育局局長政治助理)：分階段復課支援

節目播出後，在《立場新聞 - 學校分階段復課有何困境？》 ，原聲轉載。

節目重溫：https://www.rthk.hk/radio/radio1/programme/young_politician/episode/707309

Youtube 頻道：https://www.youtube.com/watch?v=HuM12FLk_VY&feature=youtu.be

因應疫情放緩，教育局陸續安排中小學同幼稚園分階段復課。其中幼稚園高班，中小學嘅一年級、五年級同六年級已經喺星期三復課，其他年級亦會喺下星期二復課。復課安排至今大致暢順，老師可以重新面授課，追趕網上學習造成嘅進度滯後，同時更容易照顧學生之間嘅學習差異。

但復課亦代表學校需要處理先前遇到嘅困難。早前六月尾復課前夕，有學生懷疑因功課壓力而跳樓輕生，響起學生於疫情期間，因學業問題而面臨精神壓力過大的警號。對於受情緒困擾的學生，學校會提供咩進一步嘅支援？教育局對學校又會有咩協助？

除情緒支援外，有調查就「學校復課安排與措施」進行網上問卷，喺約一千三百個回覆中，有七成半家長擔心子女會喺復課後，因與同學有緊密接觸而引發新一輪傳播，亦有九成家長認同全港教職員參與病毒檢測。教育局局長楊潤雄早前於網上直播中表示，因考慮到涉及人數及規模，而且以往係自願模式去檢驗，所以教育界是否做強制檢測仍要討論。但全面復課在即，決定會否刻不容緩？另外，楊潤雄亦認為教師的政見不應影響教育工作及將意見灌輸給學生，若有所發現局方會採取行動。而喺早前較受爭議嘅通識科，復課後老師與學生討論課程內容時，又如何避免上述情況？

 今日嘅嘉賓曾經喺中學任教，並且喺智庫組織協助研究香港嘅教育政策，目前又係負責教育政策嘅問責官員，佢嘅經驗可以點樣為學校嘅困境指點迷津？今集政壇新秀訓練班，請嚟教育局局長政治助理 施俊輝。