節目播出後，在《立場新聞 - 疫情當下 基層學童網上學習遇難題》 ，原聲轉載。
Youtube 頻道：https://youtu.be/vDAKPssZ6tc
過去大半年，香港以至全球唔少學校都因應疫情改為網上教學，而網上教學嘅安排亦可能會維持一段時間。
但喺香港，網上教學就為唔少基層學生造成困擾。
社區組織協會喺 3 月公佈嘅調查顯示，受訪嘅 600 名基層學生中，有九成七表示喺網上學習遇到唔同程度嘅困難，當中包括欠缺重要嘅硬件設備；以及居住環境惡劣，用到嘅家居上網服務未能夠符合網上教學嘅需求。另外，喺港大與科大的「數碼素養360」研究中，顯示良好網上教學的準備會對低社會經濟地位的學生影響最高，而指出電子教學帶來的社經及數碼鴻溝對弱勢家庭學生會有負面影響。
喺互聯網發達嘅今日，政府支援市民善用資訊科技嘅政策仍然存在政策原意同使用者需要嘅落差。
例如關愛基金嘅「資助清貧中小學生購買流動電腦以實踐電子學習」計劃，當中要求由學校替學生購買指定電子設備，再由政府向學校提供資助。
但計劃就偏偏要經學校申請，而且學校嘅參與率唔高，明顯忽略受助學生嘅個人實際需要，未能解決基層學童喺使用資訊科技時遇到嘅經濟困難。
除此以外，資助購買資訊科技產品並無解決部份家庭未能使用高速上網嘅困境，對推動科技應用作用有限。點解政府嘅扶貧同兒童政策會嚴重脫離民意？會唔會有更「貼地」嘅改善？
今日嘅嘉賓從事社會福利事務多年，所屬組織過去二十年一直關注兒童貧窮問題，並多次向政府提出建議。佢嘅經驗可以點樣為香港嘅扶窮政策，尤其係關於基層兒童方面指點迷津呢？今集政壇新秀訓練班，請嚟香港社區組織協會幹事
施麗珊同及兒童權利關注組主席 黃澤明各位傾傾啦。
有請施麗珊女士及黃澤明先生。
相關報導：香港電台中文新聞（2020年8月30日）教育局稱疫情下已推行不同措施支援清貧學生電子學習
沒有留言:
發佈留言