節目重溫：https://www.rthk.hk/radio/radio1/programme/young_politician/episode/625063
Youtube 頻道：https://youtu.be/gDZAMhFLH6c
政府近年強調「與青年同行」，希望了解青年人嘅聲音，從而對症下藥，紓緩青年問題同社會嘅深層次矛盾。政府近年先後成立「青年事務委員會」同推行「青年自薦計劃」，透過喺行政架構中吸納青年意見同訂立全面嘅政策方針，改善青年人喺學業、事業、置業三方面嘅困難，並鼓勵青年議政、論政同參政。
但到底政府嘅青年政策係咪成功呢？近年，香港先後經歷佔領中環同反對逃犯條例修訂風波，而年輕人都係兩次事件中嘅主要參與者。當中訴求都非常清晰，就係要求落實普選、追究制度暴力等深層次政治制度問題，而唔係政府眼中嘅買唔到樓、人工低、職業出路少嘅各類經濟問題。尤其係反對逃犯修訂風波之中，有大量抗爭者係中學生，政府提出嘅青年政策，好似改善青年就業、協助置業等措施對中學生嚟講並唔係佢哋嘅貼身利益。可見現行嘅青年政策係捉錯用神，脫離咗政策目標同對象嘅需要，未能有效解決青年問題。
點解政府嘅青年政策會嚴重脫離民意呢？咁又代唔代表現時嘅政策係失敗？重要嘅係，喺今日嘅政治僵局下，官民之間欠缺信任，而政府亦唔願意面對改革政治制度嘅必要，香港嘅青年政策可以點樣行落去呢？而下星期出爐嘅財政預算案會有咩空間可以協助舒緩貼近青年生活嘅問題呢？
今日嘅嘉賓從事兒童及青年事務多年 ，佢嘅經驗可以點樣為香港嘅青年政策指點迷津？今集政壇新秀訓練班，請嚟小童群益會副總幹事 黃貴有，同各位傾傾。
沒有留言:
發佈留言