2020年2月1日 - 《第四十三集》佘雲楚（前香港理工大學醫療及社會科學院副院長）：基層醫療

根據中國衛健委通報，截至1月31日24時，中國31個省和新疆建設兵團累計報告確診病例11791例，累計死亡259例，重症1795例；治癒出院243例。香港確診13例，並有可能在社區擴散。

在武漢肺炎下…開壇以來首次沒有後台新秀參與。

近日肺炎疫情爆發，香港醫療系統面對一大挑戰。而公營門診診所一直都「籌不應求」，專科嘅輪候時間亦係多年討論嘅問題。究竟今次面對嘅挑戰會否係一個契機，反思，甚至解決現有嘅基層醫療問題？2020年2月1日香港電台第一台 - 政壇新秀訓練班《第四十三集》邀請到前香港理工大學醫療及社會科學院副院長- 佘雲楚教授來到，同我地一齊‘帶住口罩’「對症下藥」~

facebook 播放：https://www.facebook.com/RTHKradio1/videos/1659497887522284/

節目重溫：https://www.rthk.hk/radio/radio1/programme/young_politician/episode/621025

Youtube 頻道：https://youtu.be/CBpMnwKf-SY

農曆新年過去，但香港一直被肺炎疫症蔓延影響，市面上除咗出現前所未見嘅「口罩荒」，疫症亦令香港嘅公營醫療系統面臨巨大嘅壓力。早前醫管局曾提出農曆新年後，減少公立醫院嘅非緊急服務及專科服務，一旦實行，無疑會影響公營基層醫療服務嘅供應。

參考醫管局數字，全港雖然有73間公營普通科門診診所，但每間診所每日派籌數目，由30至700個不等。以沙田區、大埔區及北區為例，三區總人口達130萬人，每日平均分配3600個籌，即是大約360個人爭1個籌，情況極不合理。另外，公營醫療機構專科門診的新症輪候時間偏長，亦是經常被討論嘅問題，情況令有需要接受專科服務的病人，未能即時得到適切的跟進及治療。

曾任理工大學醫療及社會科學院副院長的佘雲楚教授，在撰寫《香港基層醫療健康護理服務：願景與挑戰》中提及到「基層醫療」是市民接受醫療服務的第一個接觸點，包括多種與保健和預防疾病有關的服務，以及社區醫護服務。

雖然去年9月，政府設立嘅葵青區地區康健中心開始啟用，並計劃在全港18區，開設至少一間以億元預算計的地區康健中心，用意是改變本港醫療系統「重治療，輕預防」嘅風氣，期望可以減低對公營醫院嘅壓力。但面對現有基層醫療服務嚴重供不應求，而這邊廂政府則投放資源着重「預防」大於「治療」的地區康健中心，會否「斷錯症、配錯藥呢」呢？ 

這次新型冠狀病毒肺炎引起的公共衛生安全問題，不但是一個國際議題，更加是香港目前面臨重大嘅公共衛生危機。對於現時基層醫療系統分配不平均嘅情況下，佘教授認為政府應該如何對症下藥、以及如何長遠規劃完善、適合香港的基層醫療系統呢？

有請佘教授！