區議會選舉去到11月24日後就會有最後結果喇~但能否如期舉行成疑，如果未能舉行，究竟會有咩影響呢？另外，近日有不同嘅禁制令出現，市民又應該如何理解？
香港電台第一台《政壇新秀訓練班》第二十九集，邀請到香港大學法律學院首席講師 — 張達明，同一班政壇新秀一齊分析~~
Youtube 頻道：https://www.youtube.com/watch?v=cU_QPQByZdM
香港大學法律學院首席講師張達明，過去曾經為香港嘅重大政治或法律事件發聲。最近，佢就响自己嘅社交網站度上載自己帶口罩嘅相，對政府透過緊急法，繞過立法會訂立<反蒙面法>進行無聲抗議。佢聲言個人雖然仍未選擇違法達義，但仍然唔忍心睇見年輕人成為制度暴力的犧牲品，希望香港人可以用和平理性合法嘅方法去抗爭。
區議會選舉臨近，張達明先生連同幾位學者召開記者會，表達擔心有人會以局勢不穩而要求押後即將舉行的區議會選舉，亦希望政府唔好取消候選人資格。張達明响記者會提到，如果政府押後或取消區選，後果將十分嚴重，甚至指出如果政府無法確保一場選舉可以公平順利進行，咁呢個政府就應該下台。
但另一方面，有報導指出，早前建制派曾經約見特首林鄭月娥，表達對區議會選舉公平性嘅憂慮。消息指林太正研究不同應對方案，包括押後選舉，甚至不排除取消部份選區選舉。行會成員湯家驊更加表示，根據《基本法》，區議會不同於立法會有立法功能，並非必須設立嘅架構。
同一時間，陳同佳案亦有鋒迴路轉嘅發展，陳同佳嘅釋放引發港台兩個政府互相政治博奕。到底當中各有乜野法律理據?
今集就會同大家探討下「反修例」示威浪潮下，區議會選舉嘅種種形勢同香港法治問題。到底仲可唔可以順利舉行選舉？陳同佳案對本港法治有乜野啟示?
有請今集嘉賓 香港大學法律學院首席講師張達明。
沒有留言:
發佈留言