2019年7月27日 - 《第十六集》謝偉銓（監警會副主席)：警權監察

節目播出後，在《立場新聞 - 監警會調查可平息民怨？ 訪副主席謝偉銓 》 ，足本播放。

2019年6月9日之後，他似乎是第一位以書面向林鄭月娥政府要求成立獨立調查委員會的功能組別議員，時至今日，他的立場有沒有轉變呢？當市民既不熟悉警例，又不知道監警會運作，更不相信警方的時候，監警會的調查難道可以平息民怨？今集我們請到監警會副主席謝偉銓議員，在元朗又再發生警民衝突之察，與我們一同作出討論。

節目重溫：https://www.rthk.hk/radio/radio1/programme/young_politician/episode/584886

Facebook 播放：https://www.facebook.com/RTHKradio1/videos/2148819425228080/

Youtube：https://www.youtube.com/watch?v=4sdS17jFA8I&feature=youtu.be

監警會成立於1994年，於2009年正式成為法定機構。到咗2010年，監警會更同警隊，成立警隊預防投訴警察委員會，研究改良制度。

監警會委員雖然係嚟自不同界別，亦由行政長官委任，但監警會成員背景嘅中立性就不時比人質疑，而且會議出席人數一直偏低，現任嘅監警會副主席，都有全國政協嘅身分；回顧曾蔭權年代委任李國麟、石禮謙、林大輝為副主席，相比之下似乎更有平衡之道。

好多人都批評監警會係無牙老虎， 根據數字，自2009年以嚟，每年只有3-4%投訴獲證明屬實；關於警員毆打嘅投訴受理數字，更只有0.09%，警方亦從未向被投訴嘅警員提出刑事訴訟，反映警方普遍唔接納監警會嘅意見。

2014佔領運動發生之前，時任監警會主席郭琳廣表示，大部分市民都滿意警隊表現，但其實當時嘅民意調查，已經發現市民對警隊滿意度，只係剩低36%，監警會嘅領導人可謂極不了解民情走向。

監警會早前主動提出將檢視六、七月之間多個大型民間活動嘅情況。但對於呢啲唔同嘅示威活動中涉及嘅警民衝突，有唔少聲音質疑，監警會嘅職能係咪真係可以有效調查同監察警方。

社會有建議政府應該給予監警會調查權，可以蒐證同訊問；或者設立投訴轉介制度；至於成員中亦必須加入民意代表等等。究竟現行制度係咪唔理想？監警會嘅職能又係咪有先天缺陷呢？

今集我哋就請嚟監警會副主席一齊探討。
有請謝偉銓議員。