節目重溫：
http://programme.rthk.hk/channel/radio/programme.php?name=radio2/YoungPolitican&d=2017-01-21&p=2517&e=413965&m=episode
香港同深圳今年一月三日 簽署合作備忘錄，計劃喺落馬洲河套區發展「港深創新及科技園」，發展120萬平方米的樓面面積。特首梁振英話，項目面積是現有科學園的4倍，預料創造四萬個職位，將會建立創科研究合作基地，以及高等教育、文化創意等配套設施，吸引企業、研發機構同高等院校。
雖然香港政府擁有河套區土地業權，今次又係兩地嘅合作項目，但之前位政務司長就話，河套區發展開支係由香港獨自承擔喎，咁豈不是好孤單.…..，營運方面就香港同深圳都有份，會由科技園公司成立的附屬公司負責，咁真係辛苦晒嘞。
除左邊個埋單，河套區科技園的選址都聽聞話有人質疑，質疑咩？咪話個科技園喺落馬洲，欖過半步就係深圳福田商業區，對深圳人嚟講方便啲喎，不過一家人
”不要分那麼細”(普通話)。之不過難怪得人擔心，事關負責營運的香港科技園主席羅范椒芬話，河套區科技園不確保港人優先獲聘，令人覺得今次係為他人作嫁衣裳。
加上河套區是濕地和生態走廊，連接米埔和蠔殼圍，係度起樓，會破壞多種生物的家園，金錢龜、多種候鳥，同埋被漁護署列為本港具特別保育價值的歐亞水獺，都會受影響。
施政報告入面提到，政府將會分配大量土地，建設科學園區，香港又係咪需要咁多科技園？今次港深合作，到底值唔值得呢？
今集《政壇新秀訓練班》，就請嚟互聯網專業協會會長洪為民，同我地一齊傾下香港的科研可以點樣行落去。
Witman 是我一位‘十十聲’計的好兄弟，亦是建制派中，願意直接面對群眾的佼佼者之一。
沒有留言:
發佈留言