2016年1月23日政壇新秀訓練班《第五百八十六集》 黃岳永（香港資訊科技商會主席） - 創新科技及青年創業困難

節目重溫：

http://programme.rthk.org.hk/channel/radio/programme.php?name=radio2/YoungPolitican&d=2016-01-23&p=2517&e=&m=episode

喺香港創業，一d都唔容易。租金高、市場細、員工流失率高、政府支援又不夠，都是本地創業既障礙。

行政長官梁振英形容，2016年，係創新及科技既「開局年」。政府近年積極推動創新，成立創科局，又喺施政報告中，提出擴展科學園，預留45億成立幾個基金，投資本地科技初創企業。

但有基金成立，不代表申請容易喎。審計署數字顯示，創新及科技基金批出第一層撥款的平均時間，要近200日，有風險既項目，又難通過批核，對於求快，又競爭激烈的創意產業來說，實在慢幾拍。香港資訊科技商會主席黃岳永，雖則看好政府，為支持創科初創企業而設立的20億元配對基金，但政府難免做事審慎，但嶄新意念幾個月後就會落伍，若遲遲未獲資助，就會「遠水不能救近火」。

黃岳永早前將以色列同香港做比較，話從培養人才、扶育機構、政策推動、吸引外商投資等，以色列既創新氛圍，不只是曇花一現，更加全方位建立一個創新企業生態系統，成為經濟支柱。香港 政府一直高呼要發展創新科技，但從數碼港到科學園，都集中在「外觀」之上，給予新創企業的支持，亦只有租金優惠或律師費減免等門面野，在整體政策及財務上的支援，仍然欠奉。

另一方面，僵化法例也令創意受打擊。Uber私家車載客服務，被指違法，警方去年「放蛇」，拘捕5名司機3名職員。資訊科技界立法會議員莫乃光話，新公司顛覆現有程序，正正符合創新產業定義，又批評拘捕，令到創新行業受損。

有志創業者的人，更要面對貴租，私人零售業樓宇租金指數，過去十年，升左接近一倍。到底想創業的人，可以點做？

今集政壇新秀訓練班，就請嚟香港資訊科技商會主席黃岳永，同我地一班政壇新秀一齊傾下，喺香港搞科研，同創業之路既艱辛。