2019年10月12日 - 《第二十七集》黃浩銘（社民連外務副主席）公民抗命的代價及社民連在社運中的定位

節目播出後，在《立場新聞 - 傳統政黨能否繼續代表到年青人心聲？》，足本播放。

「公民抗命」會否仍有它的價值及作用？政黨與社會政治組織喺現時「無大台」嘅局勢下，有一個咩角色同地位？今集《政壇新秀訓練班》邀請到社民連外務副主席—黃浩銘，同一班政壇新秀現身說法~~

節目重溫：https://www.rthk.hk/radio/radio1/programme/young_politician/episode/600248

Facebook 播放：https://www.facebook.com/RTHKradio1/videos/2529786397251460/

Youtube 頻道：https://www.youtube.com/watch?v=irIRXfhm6Rc

但凡有抗議社會政策，以表達政見的社會運動進行時，總不難找到黃浩銘的身影，而在香港這場政治風波愈見迷霧重重之際，時下年靑人漸漸反思：究竟傳統政黨能否繼續代表到自己的心聲？

讓他們開始自行聚集起來討論時局的走向，減少涉足到政黨色彩，反為強調自己的主體與獨立性；這個時候眾多傳統政黨開始站於一個不清晰的定位，顯得對前路舉棋不定，繼而衍生出傳統政黨該如何轉型重生的問題。那麼，黃浩銘所屬的─社會民主連線又會否面臨『長路漫漫是如何走過』呢？

但眼見有愈來愈多的年靑示威者被捕， 作為政黨一方又該如何回應這個趨勢?

從2008年加入社會民主連線至今，黃浩銘投身政界已經第十一個年頭，但公衆對他的評價長期處於兩極狀態─一些親建制的支持者會認為他屬於落國家面、被指控賣國、甚至被稱謂漢奸、洋奴等等；相反一些抱民主派政見的人會認同他為社會作出的付出、並視他為被政治打壓的示例，面對兩個近似極端嘅政見，會否有一個可以共存嘅空間呢？

他又會如何理解公民抗命的代價及社民連在社運中的定位？ 有請今集嘉賓 社民連外務副主席 黃浩銘。

2019年9月28日 - 《第二十五集》鄭家朗（香港眾志副主席）: 在社運下嘅年輕人

節目播出後，在《立場新聞 - 後傘運五年　青年政治組織參與社運有何變化？》，足本播放。

青年政治組織喺五年前到今日，喺社會運動中嘅角色有咩轉變？年輕人參與社會運動嘅活動，近日屢見不鮮，佢地喺生活及與人嘅關係中，會遇上咩壓力同點樣應對？

今集《政壇新秀訓練班》邀請到香港眾志副主席—鄭家朗，同一班政壇新秀分享見解與感受~

節目重溫：https://www.rthk.hk/radio/radio1/programme/young_politician/episode/596023

Facebook 播放：https://www.facebook.com/RTHKradio1/videos/2291356577843433/

Youtube 頻道：https://www.youtube.com/watch?v=6COIrt2dKic&feature=youtu.be

反修例運動由六月開始，橫跨考試季節同埋暑假。即使期間途中有考試，但係一眾大專生、中學生亦繼續有投入運動。暑假原本係學生約埋三五知己，享受陽光與海灘，但係今年，每逢周末，示威現場都有學生嘅身影。踏入九月，全港過百中學發起罷課以及組織聯校人鏈，亦有學生在校內高唱《願榮光歸香港》。

對比返2014年嘅雨傘運動，當時有學民思潮與學聯代表年青人在「大台」表達意見，其後有不少青年組織，例如：本民前、眾志等嘅出現。到近日，香港眾志副主席鄭家朗亦表示今次運動無大台，香港眾志只係參與嘅角色。究竟青年政治組織喺參與社會運動中起了什麼變化？

但係同時，年輕人亦面對極大嘅壓力。部份年輕人被捕，最細嘅只有12歲。亦有年輕人與家人政見不合，因此有家不得歸。有青年為咗買裝備，因而冇錢食飯更加唔係新鮮事。亦有中學生更稱被校方打壓，進入校園嘅時候，被老師命令除下口罩。由何君堯成立嘅民間監察罷課關注組，更加公開要求各中學校長批准佢進入校園以便監察罷課情況。引起教育界同學生對於學術自由會被干預嘅憂慮。

為數不少嘅青年政治組織嘅成員亦因為政見而受到攻擊，影響日常生活。例如今年九月二日，香港眾志副主席鄭家朗於大圍返回寓所途中，被3名男子襲擊。今集政壇新秀訓練班，我地就請來香港眾志副主席鄭家朗，同我地一齊探討一下佢地喺今次運動中參與左咩部份？面對重重壓力又可以點樣應對？歡迎鄭家朗。

Erdinger

港產：翠絲

姜皓文演技真的非常細膩！

2019年9月21日 - 《第二十四集》李安然（法政匯思召集人）: 我無嘢講

節目播出後，在《立場新聞 - 除咗「我無嘢講」仲有咩做？》 ，足本播放。

《除左「我無嘢講」仲有咩做？》市民出席大型活動、遊行同集會，法律上有咩可以留意？如果市民被拘捕後，可以有咩權益？

今集《政壇新秀訓練班》邀請到法政匯思召集人—李安然大律師，同一班政壇新秀討論法律問題~

節目錄音：https://www.rthk.hk/radio/radio1/programme/young_politician/episode/596021

Facebook 播放：https://www.facebook.com/RTHKradio1/videos/236724250599146/

Youtube 頻道：https://www.youtube.com/watch?v=I7tpDKRsRc4&feature=youtu.be

香港反修例運動，已持續進行三個月，反送中至今拘 1474人。有很多香港人參與集會及遊行、築人鏈、 參與全港罷課和罷工等活動，大家知唔知道參與這些活動，有什麼是在必須注意呢？

按《公安條例》，警務處處長可因應情況，對提出遊行及集合意圖的組織者，決定發唔發出不反對通知書。回看近日多次遊行集會，警方均以示威人士行為暴力為由，發出反對通知書，但當中仍有不少市民參與。他們除了面對非法集結的罪名外，仲會涉及什麼違法行為？此外，警方在不少大型集會活動中，以暴動罪或其他罪名拘捕市民，他們被判罪成的機率高唔高？當中的理據又會是來自邊到？

另外，在衝突過程中,警方以使用武力來克制市民，處理手法一直被外界質疑，警方每次在記招上都隻字不提，有關被質疑執法公正嘅片段。若被捕者真是被警方以暴動罪起訴時，被告人能否在庭上以相關新聞或其他短片成為呈堂證供作辯護？

面對可能會被補，市民有啲咩需要留意？如果被拘捕後，沉默是否唯一嘅選擇？

今集政壇新秀訓練班，我地就請來法政匯思召集人李安然大律師，同我地一齊探討一下有關各種法律上問題。歡迎李安然大律師。

2019年9月19日外地宵夜 - 中山市東區康華路「順德合城集北水蛇粥店」

與我真相熟嘅朋友都知道，我不脫基層本色，非常喜歡小店。反而我越同你唔熟嘅話，就會越同你去D高級餐廳。呢間位於，廣東省中山市東區康華路「順德合城集北水蛇粥店」，真係好掂！燒鵝名不虛傳，鮮魚蝦粥完全係中山本土味，青口以前無嘅，就咁清蒸，已經好好食。不過宵夜咁嘅份量就好似Full左D，但難得三、五知記一聚，無所謂啦！

2019年9月14日 - 《第二十三集》鄧家宙博士（香港史學會總監）：以史作鏡與保育

歷朝歷代，原來政權對人民造成壓逼感，才會官逼民反。孫中山在香港的居所外境，原來是促成他：「攪革命、救中國」的原因。革命的本義有改善的意思，而非一定要推翻政權。那中央與特區政府又是否不停錯判民意呢？原來沒有歷史感，就做不好保育工作。歷史學者與政治學者又有什麼分別呢？今集我請來我二十多年的老朋友，香港史學會總監鄧家宙（建宜）博士，與我們一同以古作鏡，了解一下：「讀歷史，到底『首要』要讀什麼？」

節目重溫：https://www.rthk.hk/radio/radio1/programme/young_politician/episode/594558

Facebook   播放：https://www.facebook.com/RTHKradio1/videos/1283915181777632/

Youtube 頻道：https://www.youtube.com/watch?v=8Fr4ff3tXxc&feature=youtu.be

昨日中秋節，相信大家也有吃月餅。你又知唔知，中秋節吃月餅也有佢嘅故事。相傳元朝末期，漢人被壓迫，於是打算奮起反抗。當時的主將朱元璋就將寫著「中秋夜起義」的紙條放進月餅內，成功把革命的信息暗地傳播開去。雖然這個說法不知真假，但這些歷史故事也挺有趣的。

說到歷史，這幾年我們常常聽到歷史文化保育。香港發展快速，都市人要了解昔日的社會風貌就要靠保育了。發展局在二○○八年推出「活化歷史建築伙伴計劃」，夥拍非牟利機構，透過提供撥款或租金資助，以保存、活化、善用歷史建築，令佢地重生，讓巿民有機會參觀和欣賞具文物價值的舊建築例如美荷樓改建而成的青年旅舍、前荔枝角醫院改建而成的饒宗頤文化館。

同時隨著社會保育和本土意識提高，官方或民間機構都有舉辦導賞團，主題圍繞歷史文化、生態環境等，由導賞員帶領參加者，以實地考察、訪談和影像方式，「貼地」感受一個地區背後的故事。坊間亦設有導賞員訓練課程，內容包括認識香港中西建築、歷史文化、生態古蹟教育等。

今集嘉賓是香港史學會總監鄧家宙博士。學會成立十多年來，透過講座、導賞團、以及出版歷史書刊等活動，推廣本地歷史文化。他對不少歷史範疇都有深入研究，例如曾走訪香港的墳場，把先人的墓碑記錄，根據收集到的名人墓銘整理出本地近代華人的生活歷史。

究竟什麼引發鄧博士對歷史文化的興趣、他怎樣看香港的歷史文化保育、他對舉辦導賞團及鑑賞文物又有什麼心得呢？面對今日的社會環境，以史又是否可以作鏡呢？歡迎鄧博士。

2019年9月14日 - Chateau La Chapelle Aux Moines 2015

非常柔和的一瓶紅酒，略Air一下，口味更好。

2019年9月7日 - 《第二十二集》田方澤（教協副會長）：罷課與通識教育

今集好可惜，Fackbook播放出左問題，無片睇。但阿澤其實講得好好。學校唔講政治，唔通公義都唔講咩？不停製造敵人，打稻草人其實對當下局勢又有乜幫忙呢？響阿澤身上，我睇到一位年青教師嘅專業精神。

節目重溫：https://www.rthk.hk/radio/radio1/programme/young_politician/episode/593070

踏入9月，就係新學年開始嘅月份，受到自6月起反修例運動嘅影響，喺中學同大專學界，發起咗罷課行動，要求政府回應五大訴求，令校方以及大眾非常關注，各間院校都有唔同嘅意見，有部分學校認為只需要家長同意信，就容許學生罷課，但另一方面，教育局認為罷課，會為寧靜校園帶嚟政治干擾，更指行動係極不負責任嘅行為，所以強調堅決反對任何形式嘅罷課行動。面對潛在嘅懲罰，一班學生依然選擇喺校園內表明立場，但係教育局只係反覆重申校園內唔應該涉及政治。

而同一時間，全國政協副主席，兼前特首董建華，早前就以「徹底失敗」嚟形容中學嘅通識教育，將社會嚴重撕裂嘅矛頭，直接指向當年自己推行嘅決策，部分人更視通識科猶如「政治科」，向學生進行洗腦，引致呢場運嘅發生。喺8月中，教協發起全港教師一齊守護下一代、為良知發聲嘅遊行，但係就被外界質疑教師違反教育專業操守，擔心喺教學時，會滲入個人政見，所以喺開學前，教育局學校發出指引，提醒教師要「謹言慎行」。處於呢個夾心狀況，一眾教師都可能要面對住好大嘅壓力。

面對以上種種問題與批評，早前教協副會長兼中學通識教師，田方澤就講過作為教育專業人員，受之於社會供養，學習成才，應回饋社會。堅持人權、民主、法治，守護香港核心價值，促進社會進步同公義，為學生帶嚟更美好嘅社會，先係作為教育專業人員嘅專業良知。

今集政壇新秀訓練班，我哋就邀請田sir到嚟到節目做嘉賓，同我哋一齊探討一下有關罷課風波，對學校、老師同學生有咩影響，咁通識科其實係教啲咩？呢一科到底有冇教壞細路呢？

2019年9月7日 - Maraska Kruskovac Pear Liqueur

我好少飲甜酒，不過這一小瓶購自克羅地亞的名酒，頗值得一試，幾特別。