天氣仲係凍凍地，柴灣【四喜大排檔】好食、抵食之餘，仲係罕有嘅露天食肄，係真正地道香港味！
先講【$88 辣鹽九肚】乾身得嚟，火、油都夠，所以魚身漲卜卜、圓碌碌，下酒一流！
之後，可能係全柴灣都知嘅名物【$60 紅燒乳鴿】，大大隻即叫即炸，皮脆肉嫩，筷子夾落去仲有肉汁標出嚟，真係無得o厄人！
最後當係功夫菜【$88虎皮尖椒炒牛肉】，牛肉雖然明顯係下午乾炒牛河‘拿’定嘅，纖維有D過軟；但尖椒虎皮明顯，走油逼出水氣功夫到家，而且接近無一隻係辣嘅，真係一絕！仲有其他兩個小菜，全部大大碟，一共$422，真係去邊到搵！
沒有留言:
發佈留言