節目播出後，《立場新聞》 ，原聲轉載。
節目重溫：https://www.rthk.hk/radio/radio1/programme/young_politician/episode/711158
本集簡介：
疫情之下，香港失業率持續高企，當中青少年失業率更為嚴重，15至19歲失業率為百分之23.6，20至29歲組別失業率為百分之11.4，兩者皆為十年以來新高。青年發展委員會喺過去成立青年發展基金，資助香港非政府機構為喺香港同大灣區城市創業嘅香港青年提供創業支援同孵化服務，協助青年創業。大灣區發展會否係新一代嘅出路？除了就業外，政府喺文化、藝術、康樂層面有咩措施協助青年渡過疫情？
雖然政府聲言改善青年就業，解決出路問題；但另一方面，香港青年人對參與政府諮詢組織嘅反應一般。青協嘅青年創研庫早前發表調查，有百分之72.9不會考慮參加政府嘅青年委員自薦計劃，部分原因是認為青年人喺當中嘅作用不大。另有百分之57受訪青年認為，青年喺諮詢委員會中屬政治花瓶。
青年發展委員會為了聆聽青年意見，八月份就以社交媒體網上直播方式，舉行青年就業政策專題會議。有參與會議嘅張建宗司長表示，希望透過呢次會議促進相關政策局同持份者協作，探討點樣進一步協助佢地就業，從而更有效回應佢地嘅需要。
近年社會撕裂，青年人對政府普遍存在不信任嘅感覺，會唔會令政府收集青年人意見時遇到困難？政府對青年又係咪只要解決就業問題就得？有無方法令青年人嘅聲音得到重視？我地有請黎穎瑜！
相關報道：2020年10月23日《星島日報A18》民政局政助黎穎瑜 電台解答青年問題
沒有留言:
發佈留言