2020年8月1日 - 《第六十九集》何安達先生(前新聞統籌專員)：假新聞與自傳媒

節目播出後，在《立場新聞：到底有無人 FACT CHECK 佢個 FACT CHECK？》 ，原先轉載。

近年從互聯網得知新聞及最新消息成為主流，加上近乎「一人一手機」，喺事件上可以有「多角度」嘅拍攝及演繹，無論消息來源、傳播速度都變得愈廣愈快。但當中不乏未經證實，甚至係虛假嘅資訊，儘管可能有出現「已Fact Check」(已證實)，市民應該點樣辦認真偽？

政府及不同部門亦喺網絡上發表不同資訊，但喺民望每況愈下嘅情況，點樣可以重拾市民嘅信任，令其發佈嘅消息有公信力呢？近期我地成日聽到，兩辦（中聯辦，港澳辦）經常表示有民意支持政府決，但點解同市民認知會相差咁遠？政府。施政失誤，做錯決定，又係唔係應該坦誠面對市民道歉？

2020年8月1日香港電第一台 –  政壇新秀訓練班《第六十九集》媒邀請到前新聞統籌專員—何安達先生透過Phone in參與節目，同我地就主題分享與討論：假新聞與自傳媒，期間亦有政壇新秀們嘅提問~~

《新冠肺炎疫情下，首次只有主持人做節目》

節目重溫：https://www.rthk.hk/radio/radio1/programme/young_politician/episode/697123

Youtube 頻道：https://youtu.be/MoMO0xHpfrk

根據路透社研究，本港網絡滲透率高達百分之87。社交媒體同通訊軟件，已係香港人嘅新聞同消息主要來源，影響力甚至大大超越傳統媒體。根據香港民意研究所於今年三月進行嘅民意調查顯示，百分之76嘅市民主要嘅新聞來源都係互聯網，電視同電台分別只有百分之68同百分之40。而網媒、公民媒體，或者自媒體，近年亦慢慢成為主流。佢地嘅組織人數唔多，但影響力不下於傳統媒體，甚至部份喺影片分享網站拍片嘅KOL，訂閱數目超越五十萬。佢地對時政嘅影響力，有時更大於一般政治人物。

隨之而來嘅，係假新聞同假消息滿天而飛，雖然宜家市民轉發訊息嘅時候，好多時都會喺前面加一句「已FACT CHECK」，即是已確認訊息嘅真偽。但到底有無人FACT CHECK佢個FACT CHECK？我地又點樣可以搵出事實同對抗假新聞？

近年經常發生唔同政治取態嘅人對同一件事，會有南轅北轍嘅解讀。好似上年社會運動時發生嘅721元朗事件、831太子站事件等，唔同陣營就傳媒報導嘅評論幾乎完全唔同，政見會唔會影響咗佢地對事實嘅睇法？

前新聞統籌專員何安達先生，2016年出席公開場合時曾經提及「社交媒體及即時通訊軟件的速度，官方機構根本無法招架」。不過，上年開始，政府以至各部門，都嘗試大力推動使用網媒，何先生今日又點樣評價政府使用網媒嘅情況呢？

現時政府民意低迷，近日有研究更指特首民望只有28.9分，政府應該如何喺就不同事件發佈正確消息之餘，可以得到市民嘅信任，挽回佢嘅公信力呢？

我地有請，何安達先生！