節目重溫：https://www.rthk.hk/radio/radio1/programme/young_politician/episode/671855
Youtube 頻道：https://www.youtube.com/watch?v=LyyJ8_SFUrw
盧藝賢，喺二零一八年以廿五歲之齡，成為街工嘅主席。街工一直以來都關注勞工同基層嘅相關政策，早前就曾經介入協助香港航空裁員事件，幫助被裁嘅空中服務員向公司爭取權益。政府宣布財政預算案後，街工亦曾經批評過預算案如過往一樣，只推出寬減稅項、商業登記，以至減水電費等措施，未能解決中小企嘅燃眉之急。
喺肺炎疫情嘅情況下，本港最新嘅失業率達百分之3.4。唔少行業，包括零售、旅遊、運輸業人士都被迫要放無薪假。勞工及福利局局長羅致光更加指，預料失業率短期內難免升至百分之4或5。喺呢個環境之下，政府早前出招，成立三百億防疫抗疫基金，以提升政府及相關方面應對今次疫情嘅能力，同埋向受疫情影響嘅企業及市民提供協助或援助。不過，就有人指出，基金係救市不救人，甚至係救老闆唔救勞工。到底市民係咪可以真正受惠到呢個基金?
响呢個大形勢之下，聲言為勞工出頭同為貧者出力嘅街工，可以點樣幫助一班面對失業危機嘅打工仔女呢？勞工市場會唔會低處未算低？
我地有請，盧藝賢！
沒有留言:
發佈留言