2019年11月9日 - 《第三十一集》譚潔瑩 (葵涌劏房居民大聯盟成員)：有無得「住」？

節目播出後，在《立場新聞》 足本播放。

喺先前發佈嘅2019年施政報告中，推出左一系列嘅房屋政策，但真係可以有效舒緩長久以來嘅房屋問題？甚至惠及到一眾劏房戶嗎？原來依家劏房月租$8000已經算平！劏房屋民又有乜心聲？發展商捐地，又有無用？年青人，以至基層市民真的「有樓萬事足」？我地要安居樂業，定係安居置業呢？

2019年11月9日香港電第一台《政壇新秀訓練班》第三十一集，邀請到葵涌劏房居民大聯盟成員—譚潔瑩，同一班政壇新秀一齊分享下~~

節目重溫：https://www.rthk.hk/radio/radio1/programme/young_politician/episode/605669

facebook 播放：https://www.facebook.com/RTHKradio1/videos/2866840493410412/

Youtube 頻道：https://www.youtube.com/watch?v=_HjtqOEj84A

2019年嘅施政報告係三個星期前已經發佈左，特首林鄭月娥為咗舒緩五個月以來反送中條例所帶來嘅極大民怨，推出左一系列嘅房屋政策以增加房屋供應，包括運用收回土地條例開拓土地，白居易同綠置居恆常化，大幅增加過渡性房屋項目，以及為首次置業人士提供最高九成按揭貸款申請等。撇除現今社會嘅民怨情緒獨立審視呢一系列嘅政策，今次真係會有效舒緩長久以來嘅房屋問題，定係再一次發出左一張空頭支票比香港人？

另外劏房户呢一個問題係過去社會上已經引起左唔少持份者嘅討論，而且佢哋都批評政府喺過去嘅房屋政策都比較少惠及到佢哋，包括租務管制，放寬申請公屋入息限額等。唔知道今年嘅施政報告所列出嘅政策佢哋有冇真正惠及到呢？

衣食住行係人類四大嘅基本生活要求，如果政府連房屋嘅訴求都唔可以基本咁滿足市民嘅需求，咁其實有冇發生呢五個月以來嘅事件，政府嘅民望都唔會高得去邊。

今集政壇新秀訓練班就請黎葵涌劏房聯盟大聯盟成員譚潔瑩，同我地一眾新秀探討一下現今香港嘅房屋政策啦！