節目重溫：
前問責局長，家下做埋時事評論人，人稱平叔的王永平，今年六月接受本地報章訪問時，回顧公僕士氣，佢用慘不忍睹來形容，曾任前公務員事務局局長的佢覺得痛心疾首。平叔在訪問中仲話，對佢個人來講，今屆政府整體來說，班子質素最差。
公務員為市民服務，大家當想佢地士氣高昂之外，聽完平叔有感而發，大家即時諗起，好快又要選特區最高領導人 – 阿特首既時候嘞，究竟會唔會有重大變化？最近橫洲事件也揭起特首選舉的開場幕：特首梁振英被傳媒揭發，曾主持發展橫洲的小組會議後，把財政司司長曾俊華拖下水，強調特首主持的小組只負責協調，項目細節由曾俊華領導的土地供應督導委員會負責。但曾俊華指自己從未開過會，也沒有決定將橫洲分期發展。政務司司長林鄭月娥則指，自己並非督導委員會或工作小組的成員。到底是政府內部溝通有問題，還是政府三巨頭的不和已經浮上水面？
財爺曾俊華其後被問到是否同意梁振英的決定，他則以「你總是會同意你上司的說話」回應。到底政府在今次事件中，為何如此進退失據？是制度的問題，還是人的問題？下年選特首，情況會變好，抑或…..唉都係唔好烏鴉口住。
備受關注的仲有行政立法關係。呢幾年，唔駛平叔講都知，行政立法關係差啦，咁就真係唔知哪一邊責任大啲嘞﹗
不過，嚟緊立法會在10月12日復會，曾主席退休後，新主席花落誰家尚未有定案，而家有意參選或被鼓勵參選既就有民聯主席梁君彥、新民黨田北辰，以及獨立的謝偉俊。下屆特首暫時未知邊位智者做，但係立法會主席好快就知，到底這個主宰拉布命運的位置會落在誰手中？
呢啲問題，都係要搵曾為局中人的平叔王永平，嚟到今集政壇新秀訓練班，同我地一齊傾下。
沒有留言:
發佈留言