2025年1月12日 - 沙田區青年發展及公民教育嘉年華致謝詞稿

 

余懷誠專員、許繹標博士、溫家傑校長、各位青年朋友、各位街坊大家下午好：

今日天清氣冷，我反而 覺得特別溫暖，因為我好感謝，大家出席由沙田區青年發展及公民教育委員會主辦、沙田民政署、沙田青年網絡、香港中華基督教會顯徑會所協辦嘅沙田區青年發展及公民教育嘉年華 嘅每一位在場朋友。

沙田區人口眾多，據去年規劃署數字，我地嘅社區，現時係全港最多人多嘅地區，有70.3萬人。而今日嘅公民日，都有多達幾十個青年團體 一齊支持。大家嘅積極參與，證明我地嘅社區，響余專員帶領之下，有容乃大嘅社區風格。

同時，證明左，我地沙田區青年發展及公民教育委員會仝寅，最少同大家係「有得傾」。大家都係為青年，有更好發展作出貢獻，值得信賴嘅好伙伴。在此，我要向各機構，社區朋友，講聲：多謝。多謝你地，相信我地。

本屆委員會任期都嚟到尾聲，而今日嘅嘉年華，有多達19項表演、30多項攤位遊戲、5項成果展；同時係今屆任期，第一次以「公民日」呢面旗幟，進行嘅大型嘉許活動，為我地過去，多項比賽進行嘉許，響新一年嘅開始，就鼓勵我地嘅年青人。

你地獲獎嘅同時，其實都係鼓舞緊我地，因為我地見到由兒童到青年、到職青；甚至復康人士，社區朋友都一同到賀，你地嘅用對腳嚟支持我地，實在係我地嘅光榮。

同時，我地要多謝你地 對社區嘅敏銳，一直砥礪住我地，繼續前行。

大家都知道，今年國家將會舉辦第十五屆全運會，粵港澳三地將首次攜手合辦賽事。我地沙田區一直好重視體育運動，更加重視共融。所以我地除左有活潑嘅兒童hip hop，亦都有令人讚嘆嘅輪椅舞。

而第十四屆沙田區傑出青年嘅社區習作，比我地知道，你地有珍惜嘅人、珍惜嘅味道、有珍惜嘅公共屋邨；大家都係活響同一天空下。或許響評審嘅時候，我地係尖銳嘅！因為我地希望盡我地所能，將你地嘅目光，帶得更大更遠，超出沙田區。因為沙田是我們的，也是你們的，但歸根究底都是屬於你們的。多謝你地，展示出作為沙田人，應該有嘅胸襟與使命感，接受我地呢班老海鮮嘅評語。

最後，當然要多謝大家比個機會我，同大家講咁多次多謝。因為響我眼中，沙田民政署嘅Cathy 同佢嘅同事、YMCA顯徑會所嘅蕭Sir同佢嘅同事、義工；傷健協會嘅Tiffany 同佢嘅同事，仲有好多為今日公民日、為沙田區青年，默默付出，不能盡錄嘅無名英雄，例如：社區應急輔助隊。應該比起我更有資格企響呢到。

蛇年快嚟，希望大家會帶住今日公民日嘅信息，就係：尊重、關愛、包容、負責，過一個好年。

我亦都唔怕醜，代表委員會同大家拜個早年，祝各位年青人，我地沙田區嘅未來：靈巧像蛇。亦祝在座各位，響新一年新年進步，身體健康，萬事如意。多謝各位。