區選之前,原來已經有建制派內部數據顯示,今次建制派將會慘遭大敗。 建制派今次有邊四類議員落馬? 李慧琼所堅持嘅,乜嘢叫做「東方路線」? 葉劉淑儀'和你Lunch',算唔算開明建制派? 建制壞孩子點解通常係‘一世冇運行’? 區選過後,建制派應該何去何從? 2019年12月7號政壇新秀訓練班《第三十五集》, 我哋請到一早預期建制派將會「總崩」,香港大學政治與公共行政學系榮譽講師袁彌昌博士,同我地一齊分析一下:
facebook 播放:https://www.facebook.com/RTHKradio1/videos/566351474098695/
Youtube 頻道:https://www.youtube.com/watch?v=i4xu8SH7fyw
今年嘅區議會選舉結束,建制派直選所得議席大幅下降至五十九席,對比上屆三百二十五席可謂相差甚遠,更失去區議會嘅控制權。源於單議席單票制嘅選舉制度,非建制派喺議席上取得壓倒性嘅數目。但實際上非建制派同建制派票數比例約為百分之五十七對百分之四十一,
並非相差懸殊。建制派區選中有約六成選區所得票數有增長,但遠遠追唔上非建制派嘅票數增長。
經歷區選大敗,建制派在政治立場上似乎有所改變。例如民建聯主席李慧琼狠批政府喺《逃犯條例》修例前完全無同民建聯溝通,
亦批評政府管治團隊無力止暴制亂。
袁彌昌博士早於區選前嘅一個專訪中提到,建制派內部民調中顯示建制派嘅支持度大幅下降,佢指出呢個下降會對建制派造成毀滅式打擊,結果一如佢所料,建制派喺區議會選舉中大敗。唔知佢對於未來嘅政局,以至來年立法會選舉有乜野睇法呢?
今集政壇新秀訓練班,我哋請嚟香港大學政治與公共行政學系榮譽講師袁彌昌博士,同我哋一齊傾下區選過後,建制派應該何去何從?有請袁彌昌博士。
沒有留言:
發佈留言