2018年7月21日政壇新秀訓練班 - 《第七百一十三集》謝偉銓 (立法會「建築、測量、規劃及園境」界議員) -

今日講清楚：始終都解唔通，點解唔用P&P！真係點令人信服呢？我真係好想知道，響乜野情況之下，建制派先會支持使用P&P？

節目重溫：http://www.rthk.hk/radio/radio2/programme/YoungPolitican/episode/516127

港鐵可以說是「今期最紅」！事關佢由5月尾開始，差不多日日都爆出沙中綫工程醜聞，還要是逐個站逐個站咁爆，紅磡、土瓜灣、會展、跟住又輪返到紅磡⋯⋯還未計西鐵綫元朗站的架空路軌其中兩座橋躉出現沉降，前幾日連大圍站都中埋招，單單都好甘下，要調查，要拆解，都不知從何做起﹗

港鐵話晒都是香港唯一一間鐵路公司，大部份少市民返工放工靠晒佢，現時每日看著這些工程醜聞，都咪話唔擔心呢！事件發生大約半個月後，特首林鄭月娥終於都決定要成立一個由法官領導的獨立調查委員會，調查第一單被爆出的紅磡站鋼筋被剪短醜聞。

不過連日以來爆出的醜聞這麼多，獨立調查委員會只調查第一單醜聞，似乎未能平息市民的憂慮。不少民主派議員都提出，立法會也應該以《立法會（權力及特權）條例》，即是俗稱的「P & P」，成立調查委員會查埋其他站的事故，連身為建制一員的田北辰亦都支持！但係只是多了田二少一票又怎夠呢？結果三項P & P全都在建制派的反對下遭否決。建制派反對的理由，就離不開政府已有調查委員會、立法會再查會架床疊屋。

只不過點解唔可以學網民話齋：「Why not both ?」你有你查紅磡站，我有我查其他站，「架床疊屋」之說似乎不夠說服力。今集政壇新秀訓練班就請來有份投反對票的立法會 (建築、測量、都市規劃及園境界) 議員謝偉銓，睇下他對港鐵事件，以致日後監察大型機建項目有咩見解？