2018年5月19日政壇新秀訓練班 - 《第七百零四集》陳淑莊 (立法會議員) - 一地兩檢審議

今日講清楚：泛民當武之急，就是在下次選舉前要改變支持者的無力感。

節目重溫：http://www.rthk.hk/radio/radio2/programme/YoungPolitican/episode/504514

一地兩檢三步走經已來到最後一步的本地立法程序。審議一地兩檢草案的委員會上星期開完最後一次會，主席葉劉淑儀預告下星期就會提交內會，6月頭大會可以恢復二讀辯論。以趕及今個立法年度、即是7月11日前通過法例。

這邊廂在立法會有議員討論到落淚，另一邊廂已經有人打定底，話高鐵行駛之初未必樣樣都咁方便，買票未必可以一站通。希望市民能夠體諒呢啲局限，仲話會同內地部門傾下有無得搞，等市民唔駛要去到內地再買。不過呢啲都交比第日的乘客自己決定搭定唔搭。

講返個議案先，有評論預期，一地兩檢三步走相信都好大機會通過。咁倒不如將眼放遠啲，日後面對啲爭議性高的議案，又可以點呢？議員發言時間再有機會一縮再縮，呢個慢慢會否變成新常態？議員又可以點樣把握機會，為選民發聲，而又唔阻住地球轉呢？今集政壇新秀訓練班就請來立法會議員陳淑莊和我們一起談談一地兩檢的審議。