2020年2月15日 - 《第四十五集》李國麟教授(香港立法會議員)：醫護罷工

我相信今集是開壇17年來，首次因為不可抗力因素（武漢肺炎），而規定只容許主持及嘉賓同場做節目。現場一位政壇新秀也沒有，只能Phone-in參與。

節目重溫： https://www.rthk.hk/radio/radio1/programme/young_politician/episode/623832

Youtube 頻道：https://youtu.be/N_NVmy5SRoA

李國麟教授，香港立法會（衛生服務界）議員，同時亦係香港護士協會主席。李教授一直以來積極爭取業界福利，同時亦有為政府嘅醫療及衞生政策發聲。

响肺災疫情步步進迫嘅情況下，早前擁有過萬名醫管局員工會員嘅醫管局員工陣線，經過特別會員大會投票後宣佈分階段進行罷工，並提出多項訴求。其中主要訴求為俗稱「全面封關」嘅「禁止任何旅客經由中國入境」。消息一出隨即引發坊間正反討論，有意見認為醫護人員唔可以做「逃兵」，任何情況下都不適宜罷工，損害病人利益。但亦有人認為，政府遲遲唔肯「封關」，恐怕會令疫症大爆發，因此支持醫護罷工。

香港民意研究所亦响同時期進行社區健康調查，調查發現接近六成人支持醫護罷工，迫使政府回應醫護人員嘅訴求。不過醫管局員工陣線响二月七日，即係罷工行動嘅最後一日，有超過七千名會員投票，當中大約四千名員工反對下，宣佈不再延長罷工。

而護士協會亦响本週宣佈接力發動名為「保護你」嘅工業行動，如醫護人員發現所屬部門裝備不足，可以透過熱線反映。以確保醫管局提供前線員工及病人有足夠嘅裝備，以避免造成交叉感染。但熱線電話，能否有效幫助前線醫護人員面對處理疫情嘅壓力？

今次連續嘅工業行動史無前例，但政府尚未正式落實主要訴求，到底罷工其實有無用？將來醫護界仲會唔會有更多工業行動？我地有請，李國麟教授！