節目重溫：
今屆奧運閉幕式在香港時間星期一朝早，但對香港人嚟講，奧運帶嚟的影響仲未完結，因為政府邀請咗一班金牌運動員嚟香港表演。雖然曾經有人暗示過搞運動項目未必係對經濟有貢獻，不過往往能凝聚民族團結，大家以前都會傾向支持中國運動員。
但今屆奧運，部份港人對中國運動員的態度似乎有啲唔一樣，網上有人取笑攞唔到金牌的中國運動員，亦有人投訴電視台無直播三成港隊出戰的比賽。呢啲不滿都反映香港人的本土意識比以前強，如果連最能激盪人心的體育項目都無法拉近「中港」距離，那麼中港融合又係咪天方夜譚？
今時今日，談論到中港關係，除了會諗起大家批評水貨客令北區水涉不通、部份自由行旅客的行為令人驚訝之外，最近還多了港獨議題。
港獨在兩年前，真係無乜人理會，可以話未成氣候，但中大今年做的調查發現，有差唔多兩成的受訪者話支持港獨，係15至24歲的青年之中，更加有近4成支持港獨。加上政府係今年立法會選舉，有疑似港獨背景的候選人被選舉主任否決其參選資格。
中聯辦法律部部長王振民又話，港獨唔可以係中小學出現，又批評政府冇採取行動。唔講由自可，講完之後，教育局就話校董應該適當跟進鼓吹港獨的教師，如果失德有可能會註銷教師資格，話鼓吹港獨，就要承擔相關責任同後果。行政長官梁振英更加用吸毒嚟比喻港獨，話港獨唔係言論自由問題，係是非立場，學校有責任去引導同學去正確方向討論，似乎將責任放咗在學校身上。
不過全國人大常委范徐麗泰表示，不能促進港獨，不代表不可以討論，認為學校是社會縮影，很難避免社會上的話題。有溫和派學者兩年前已經話，中央以人大831決定落閘，封殺左中間溫和的聲音，只會令港獨出現。今日預測成為事實，再講中港融合係咪太天真？
今集政壇新秀訓練班，就請嚟團結香港基金副總裁李浩然，同我地一齊傾下中港融合。
沒有留言:
發佈留言